Leopard Attack : त्र्यंबकेश्वर येथे बिबट्याच्या भक्षस्थानी सापडला चिमुरडा

त्र्यंबकेश्वर : त्र्यंबकेश्वर तालुक्यातील वाळुंज गावात शनिवारी (ता. 24) सांयकाळी 7 वाजता निवृत्ती नामदेव दिवटे ह्यांच्या घरात बहिण व भाऊ खेळत असतांना त्यातील आर्यन निवृत्ती दिवटे (वय 5) या चिमुरड्यास घरातून नेले. यात या बालकाचा मृत्यू झाला आहे. या घटनेमुळे परिसरात बिबट्याची दहशत निर्माण झाली आहे.

आर्यनला बिबट्याने तोंडात घेऊन नेतांना त्याच्या बहिणीने पाहिले. ती ओरडून लागल्याने तीचे आजोबा गोठ्यात दुध काढीत होते. ते धावत आले व त्यांनी आरडाओरडा केल्यावर लगतचे शेतकऱ्यांनी त्याचा शोध घेत असतांना तो अर्धा किलोमीटर वर वाघेरा रस्त्यावर मृत अवस्थेत सापडल्याने एकच खळबळ उडाली. पोलिस व वनखात्याच्या कर्मचारी यांनी यात मदत केल्याचे ग्रामस्थांनी सांगितले.