Nashik | गॅस गळतीमुळे सिलेंडरचा स्फोट; संसार उपयोगी वस्तू खाक

म्हसरूळ (नाशिक) : मेरी रासबिहारी लिंक रोड वरील माने नगर येथे गुरूवारी (ता.१६) दुपारी गॅस गळतीमुळे (Gas leak) सिलेंडरचा स्फोट (Cylinder explosion) झाला. यात संसार उपयोगी वस्तू जळून खाक झाल्या. सुदैवाने जीवित हानी झाली नाही. या प्रकरणी म्हसरूळ पोलिसांत गुन्हा दाखल करण्याचे काम सुरू होते.

याबाबत अधिक माहिती अशी की, मेरी रासबिहारी लिंक रोडवर माने नगर येथे विठ्ठल गुणाजी बोरकर हे त्यांच्या मावस बहिणीच्या जागेत पत्र्याच्या शेडमध्ये राहत होते. बोरकर यांचा टेलरिंगचा व्यवसाय आहे. गुरूवारी (ता.१६) दुपारी दोन अडीच वाजेच्या सुमारास सिलेंडर गॅसचा स्फोट झाला. सदर स्फोट गॅस गळतीमुळे झाल्याच प्रथम दर्शनी आढळून आले. यात संसार उपयोगी जळून खाक झाल्या आहे.

सदरचा स्फोट झाल्याची घटना आजू बाजूच्या नागरिकांनी प्रभागातील नगरसेविका प्रियंका माने व धनंजय उर्फ पप्पू माने यांनी कळविले. तात्काळ घटनस्थळी धाव घेतली. आजू बाजूला असलेल्या नागरिकांना दूर पाठविले. आग विझवण्यासाठी उपस्थितांनी प्रयत्न केले.