Nashik News : गतिमंद मुलगी पालकांच्या स्वाधीन

Nashik News : पंचवटीतील काळाराम मंदिर परिसरात गतिमंद मुलगी सापडली होती. त्या मुलीस पंचवटी पोलिसांनी तिच्या पालकांच्या स्वाधीन केले.

विशेष म्हणजे सदर मुलगी अवघ्या काही तासातच पालकांच्या ताब्यात देण्यात आली. गुरुवार (ता. २८) रात्री आठच्या दरम्यान काळाराम मंदिर परिसरामध्ये मुलगी मिळून आली.(disabled girl in custody of parents by police nashik news)

त्या मुलीस नाव पत्ता विचारले. मात्र, ती गतिमंद असल्याकारणाने तिला नाव पत्ता सांगता आला नाही. त्यामुळे तिच्या पालकांचा शोध घेणे करिता पोलिस आयुक्त संदीप कर्णिक यांचे संकल्पनेतून पंचवटी पोलिस ठाणे स्तरावर वेगवेगळे व्हाट्सअप ग्रुप तयार करण्यात आले आहेत.

या ग्रुपवर मुलीचे छायाचित्र टाकण्यात आले. ग्रुपमध्ये असलेल्या एका सदस्यांच्या माध्यमातून अशा मुलीचा शोध घेत असल्याचे माहिती मिळाली. या मुलीचा पालकांचा शोध लागल्याने मुलीस आईच्या ताब्यात देण्यात आली.

असे आहेत ग्रुप

नाशिक शहर पोलिस आयुक्त संदीप कर्णिक यांचे संकल्पनेतून पंचवटी पोलिस ठाणे स्तरावर,डॉक्टर, बँक, सोसायटी, अपार्टमेंट, महिला, रिक्षा चालक, टपरीवाले, स्कूल कॉलेज, लॉन्स, पेट्रोल पंप, ज्वेलर्स, व्यापारी व इतर असे एकूण वेगवेगळे अठरा व्हाट्सअप ग्रुप तयार केले आहेत.