ग्रामपंचायत निवडणुकीचा धुरळा : इच्छुकांची सर्वत्र हजेरी! मांडव, लग्नसोहळ्यांसह कार्यक्रमांना आवर्जून उपस्थित

निमगाव (जि.नाशिक) : गावासह तालुक्यात ग्रामपंचायत निवडणुकीचा धुरळा उडू लागला आहे. उमेदवारी अर्ज दाखल करण्याची प्रक्रिया अंतिम टप्प्यात आली असून, १५ जानेवारी २०२० ला मतदान प्रक्रिया पार पडणार आहे. निवडणुकांमुळे सर्वांची भेट घेण्यासाठी सध्या लग्नसोहळ्यांची धूम साधत उमेदवार सर्व लग्नसोहळे आणि इतर कार्यक्रमांना भेट देत वातावरणनिर्मिती करू लागले आहेत. 

ग्रामपंचायत निवडणुकांमुळे इच्छुकांची सर्वत्र हजेरी!
मालेगाव तालुक्यातील ९९ ग्रामपंचायतींचा निवडणूक धुरळा उडू लागला आहे. त्यातच सध्या प्रत्येक गावात रोज मांडव व लग्नसोहळे होत आहेत. पॅनलनिर्मितीची प्रक्रिया अंतिम टप्प्यात आहे. बहुसंख्य इच्छुकांनी अर्ज दाखल केले आहेत. अखेरच्या दोन ते तीन दिवसांत विक्रमी अर्ज दाखल होण्याची शक्यता आहे. इच्छुक उमेदवारांना प्रचार व वातावरणनिर्मितीसाठी मांडव व लग्नसमारंभ हे मोठे साधन झाले आहे. त्यामुळे गावातील अशा कार्यक्रमांना उमेदवारांची दीर्घकाळ उपस्थिती चर्चेचा विषय ठरत आहे. एकूणच लग्नसोहळ्यांची संधी साधत छुपा प्रचार करण्यात उमेदवारांमध्ये चढाओढ दिसून येत आहे. 

हेही वाचा - वडिलांसोबतची लेकीची 'ती' ड्राईव्ह शेवटचीच; पित्याचा ह्रदय पिळवटून टाकणारा आक्रोश

आम्हाला सगळे सारखेच 
लग्नसोहळे व इतर कार्यक्रमांना उमेदवार मोठ्या प्रमाणावर हजेरी लावत आहेत. त्यामुळे लग्नसोहळे असलेल्या कुटुंबीयांना सर्वांचेच स्वागत करावे लागत आहे. निवडणुकीचे वातावरण पाहता मांडव व लग्नाला निमंत्रण असो अथवा नसो इच्छुक आवर्जून हजेरी लावत आहेत.  

हेही वाचा - जेव्हा पोटच्या गोळ्यांसह मातेचे मृतदेह दिसले पाण्यावर तरंगताना; शेतकऱ्यांना भरला थरकाप