Nashik News: स्वच्छता ठेक्याला मुदतवाढ

नाशिक : पूर्व व पश्चिम विभागात आउटसोर्सिंगच्या माध्यमातून सुरू असलेल्या स्वच्छता कामाला पुन्हा एकदा मुदतवाढ देण्यात आली आहे.

ऑगस्ट महिन्यात करार संपुष्टात आला आहे. दुसऱ्यांदा तीन महिन्यांची मुदतवाढ दिली जाणार आहे. (Extension of sanitation contract NMC Nashik News)

शहरात पूर्व व पश्चिम विभागात आउटसोर्सिंगच्या माध्यमातून स्वच्छता केली जाते. १ ऑगस्ट २०२० पासून आउटसोर्सिंगच्या माध्यमातून सफाई केली जाते. तीन वर्षांपासून ठेका कार्यान्वित आहे. या ठेक्याची मुदत ३१ जुलै २०२३ ला संपली.

नवीन ठेक्यासाठी प्रक्रियाही सुरू झाली. वेळेत नवीन निविदाप्रक्रिया पूर्ण न झाल्याने जुन्या ठेकेदाराला ऑक्टोबरपर्यंत मुदतवाढ दिली. मुदतीत नवीन निविदाप्रक्रिया न झाल्याने १ नोव्हेंबर २०२३ ते १ जानेवारी २०२४ या कालावधीसाठी नव्याने जुन्या ठेकेदाराला मुदतवाढ दिली आहे.