पावसाअभावी बळीराजा हवालदिल; पेरणीयोग्य पावसाची प्रतीक्षा

जळगाव नेऊर (जि. नाशिक) : शेती मशागतीचे कामे आटोपून पावसाच्या प्रतीक्षेत असलेले शेतकरी आज येईल, उद्या येईल असे करता करता पावसाची प्रतीक्षा करत होते. जून महिना पूर्ण संपत आला तरी पावसाअभावी शेतात पेरणीची कामे खोळंबली आहेत. (farmers-are-waiting-for-rains-for-sowing-nashik-agriculture-news)

वेळेवर पेरणी झाली तरच पुढील पिकांचे योग्य नियोजन

पावसाची जोरदार प्रतीक्षा शेतकरी वर्गाला होती. म्हणून पावसाची चातकाप्रमाणे वाट बघत होते. परंतु, सोमवारी (ता. २८) दुपारी तीनच्या दरम्यान कुठे जास्त, तर कुठे कमी पावसाने हजेरी लावल्याने शेतकरी वर्ग पेरणी करावी की नाही या संभ्रमावस्थेत दिसून येत आहे. काही ठिकाणी चांगला पाऊस झाला. काही ठिकाणी पेरणीयोग्य पावसाची प्रतीक्षा करावी लागत आहे. जळगाव नेऊर येथे विशिष्ट भागात जोरदार पाऊस झाल्याने शेतकरी वर्ग सुखावला. उशिरा का होईना आलेल्या पेरणीयोग्य पावसामुळे किमान पेरणीचा प्रश्‍न मार्गी लागेल, अशी अपेक्षा शेतकरी करत आहे. वेळेवर पेरणी झाली तर पुढील पिकांचे योग्य नियोजन करता येते. जळगाव नेऊर येथील नाशिक - औरंगाबाद हायवेवर पावसाचे पाणी वाहून जाण्यासाठी नाली नसल्याने पाणी हायवेवर येत असते.

(farmers-are-waiting-for-rains-for-sowing-nashik-agriculture-news)