इगतपुरी (जि. नाशिक) : समस्त भाविकांचे आराध्यदैवत तथा लाडक्या गणरायाच्या स्वागतासाठी भक्तांचा उत्साह शिगेला पोहोचला असून घराघरात उद्या शुक्रवारी (ता.१०) भक्तिभावाने श्रीगणेशाची स्थापना होणार आहे. लॉकडाऊननंतर दोन वर्सांत प्रथमच उत्सवाला परवानगी मिळाल्याने शहरासह तालुक्यातील बाजारपेठांना यात्रेचे स्वरूप आले होते. बाप्पांच्या स्वागतासाठी अवघी तरुणाई सज्ज झाली असून बालगोपाळांची कॉलनीपुरत्या उत्सवासाठी आज लगीनघाई पहायला मिळाली.
गणपतीची आरास करण्यासाठी हव्या असलेल्या वस्तूंच्या खरेदीसाठी इगतपुरी, घोटी, टाकेद, गोंदे व आदी भागात नागरिकांची आज गर्दी झाली. शहराच्या विविध भागात भक्तीचा अनोखा मिलाप पाहायला मिळाला. गावात सजावटीचे साहित्य खरेदीसाठी गर्दी ओसंडून वाहत होती. झेंडू व इतर फुलांना मोठ्या प्रमाणात मागणी वाढत आहे. उत्सवासाठी खरेदीचा मोठ्या प्रमाणावर उत्साह दिसून आला. सजावटीच्या विविध साहित्याने बाजारपेठ सजली आहे.
किंमती स्थिरमुळे दिलासा
सार्वजनिक गणेशोत्सव मंडळांसोबतच घरोघरी मूर्तीभोवती व समोर आकर्षक सजावटीवर भर असतो. आकर्षक रेडिमेड मखर, झालर, पडदे, लायटिंगच्या माळा, कारंजे यासह मूर्तीसाठी फेटा, मुकुट, आसन खड्यांचा वापर करून तयार केलेले हार अशा विविध सजावटीसह पूजेच्या साहित्याने बाजारपेठ सजली आहे. मागील वर्षीच्या तुलनेत यंदा सजावट साहित्याच्या किमती काहीअंशी स्थिर असल्याने गणेशभक्तांना दिलासा मिळाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
