esakal | जुळ्या चिमुकल्यांसह खाणीत आढळला पित्याचा मृतदेह; कारण गुलदस्त्यात
sakal

बोलून बातमी शोधा

man committed suicide with his twin children

नाशिक : जुळ्या चिमुकल्यांसह खाणीत आढळला बेपत्ता पित्याचा मृतदेह

sakal_logo
By
विनोद बेदरकर

ओझर/नाशिक : सोमवारपासून बेपत्ता असलेला एक मजूर व त्याचा मुलगा आणि मुलगी अशा तिघांचे मृतदेह सैय्यद पिंप्री (ता. नाशिक) येथील दगडाच्या खाणीत बेवारस स्थितीत आढळून आले. बुधवारी (ता. ८) सकाळी अकराच्या सुमारास स्थानीक नागरिकांपैकी कुणीतरी या तिघांचे मृतदेह पाण्यावर तंरगताना बघितले. याप्रकरणी नाशिक तालुका पोलीस ठाण्यात नोंद करण्यात आली आहे.


सैय्यद पिंप्री गावालगत दगडाच्या खाणी आहेत. या खाणींत पाण्याचे डोह असून, सध्या पावसाळ्यामुळे त्यात पाणी साचले आहे. मृत शंकर महाजन हे मोलमजुरी करत. दोन्ही जुळ्या पाल्यांना सोबत घेऊन सोमवारी (ता. ६) सायंकाळी सहाच्या सुमारास घरी काहीही न सांगता आपल्या पॅशन मोटार सायकल (एमएच १५, सीयू ६३९७)द्यारे निघून गेले होते. बुधवारी सकाळी दहाच्या सुमारास ओझर- पिंप्री शिवेवरील गट नंबर १६२१मध्ये ग्राम पंचायत हद्दीतील खाणीमधील तलावात या तिघांचे मृतदेह पाण्यावर तरंगताना आढळले. याबाबत पोलीस पाटील कैलास ढिकले यांनी नाशिक तालुका पोलीस ठाण्यात माहिती दिली. त्यानुसार पोलीस निरीक्षक श्रीमती आहिरराव, पोलीस उपनिरीक्षक श्रीमती आंबोरे, कोठावदे, विक्रम कडाळे, जगदीश जाधव, कैलास पाटील यांच्या पथकाने घटनास्थळी भेट देवून, स्थानिकांच्या मदतीने तिघांचे शव बाहेर काढण्यात आले. नंतर ते नाशिकला जिल्हा रूग्णालयात पाठवण्यात आले.

भगतसिंगनगर (डांबरवाडी), ओझर येथील शंकर गुलाब महाजन (वय ३४) असे मृत मजूराचे नाव असून, मुलाचे नाव पृथ्वी व मुलीचे नाव प्रगती (दोघांचे वय ३ वर्षे) असे आहे. हे कुटूंब मुळचे यावल (जि. जळगाव) येथील रहिवासी आहे. या तिघांनी आत्महत्या केल्याचे रात्री उशिरा स्पष्ट झाले.

हेही वाचा: नाशिक जिल्‍ह्यात दिवसभरात ९८ कोरोनामुक्‍त; दोघांचा मृत्‍यू

हेही वाचा: नाशिक महापालिकेने 348 गणेश मंडळांना परवानगी नाकारली

loading image
go to top