Nashik Crime News : द्वारका बसस्थानकावरून सोन्याचे दागिने लंपास

Nashik Crime News : द्वारका बसस्थानकावरून वृद्ध महिलेच्या गळ्यातील पर्समधून सोन्याचा हार आणि पोत असे सुमारे २ लाख १० हजारांचे दागिने चोरी गेले. शनिवार (ता.२०) दुपारी पावणेतीनच्या सुमारास घटना घडली. (Gold ornaments stolen from Dwarka bus stand nashik crime)

महिलेच्या तक्रारीवरून अज्ञात संशयितांविरुद्ध भद्रकाली पोलिस ठाण्यात गुन्हा दाखल करण्यात आला. सिंधू गायधनी नातीसह पिंपळगाव येथे विवाह सोहळ्यास जाण्यासाठी द्वारका बसस्थानकावर आले होते. द्वारकावर बसची वाट पाहत थांबले होते.

सुमारे पावणेतीनच्या सुमारास बस आली. बसमध्ये चढत असताना प्रवाशांनी गर्दी केली. त्याची संधी साधत संशयितांनी पर्सची चैन उघडून त्यात प्लॅस्टिकच्या पिशवीमध्ये असलेले सोन्याचे दागिने काढून घेतले. बसमध्ये बसल्यानंतर त्यांना पर्सची चैन उघडी असल्याचे लक्षात आले.

हेही वाचा : Credit Card फसवणूक....काय घ्याल काळजी?

दागिन्यांची तपासणी केली असता, हार आणि पोत मिळून आले नाही. त्यांनी भद्रकाली पोलिसांना घडलेला प्रकार सांगितला. पोलिसांनी त्यांच्या तक्रारीवरून गुन्हा दाखल केला.

यापूर्वीही या बसस्थानकावरून अशाच प्रकारे गर्दीची संधी साधत पर्समधून सोन्याचे दागिने लंपास झाल्याच्या अनेक घटना घडल्या आहे.