नाशिक जिल्ह्यातून द्राक्षाचा कंटेनर जर्मनीला रवाना; नव्या जोमाने हंगामासाठीची तयारी सुरू

लासलगाव (जि.नाशिक) : द्राक्षपंढरी म्हणून ओळख असलेल्या नाशिक जिल्ह्यातील द्राक्ष निर्यातीचा श्रीगणेश झाला असून, पहिला द्राक्षाचा १२.४८० टनांचा कंटेनर जर्मनीला रवाना झाला आहे. कोरोनाच्या पार्श्‍वभूमीवर गेल्या वर्षी शेतकऱ्यांमध्ये आलेली मरगळ दूर करून आता नव्या जोमाने हंगामासाठीची तयारी सुरू झालेली आहे.

नव्या जोमाने हंगामासाठीची तयारी सुरू

नाशिक जिल्ह्यातील शेतकरी कोरोना, हवामान, बाजारपेठ, निर्यात असे अनेक प्रश्‍न घेऊन आर्थिक परस्थितीतही पुन्हा एकदा नव्या जोमाने लढण्यासाठी सज्ज आहेत. द्राक्ष उत्पादनात महाराष्ट्राचा देशात प्रथम क्रमांक लागतो. केवळ द्राक्ष उत्पादनात अग्रेसर असून,विक्रीच्या दृष्टीने नवीन बाजारपेठ, नवीन ग्राहक मिळण्यासाठी प्रयत्न करणे गरजेचे आहे. भारतीय कृषिमालाला बांगलादेशमध्ये मोठ्या प्रमाणात मागणी आहे. याकरिता केंद्र सरकारने बांगलादेशमध्ये द्राक्ष निर्यातीसाठी विशेष लक्ष देऊन वाहतूक खर्च आणि ड्यूटी कमी केली पाहिजे. केंद्र सरकारने बांगलादेशची राजधानी ढाका येथे द्राक्ष निर्यातीसाठी रेल्वे उपलब्ध करून दिल्यास देशातील मोठ्या प्रमाणात द्राक्षे बांगलादेशमध्ये निर्यात होऊन देशाला चांगले परकीय चलन मिळू शकते याकडे लक्ष देणे गरजेचे असल्याचे मत द्राक्ष बागायतदार संघाचे अध्यक्ष कैलास भोसले यांनी व्यक्त केले. \

हेही वाचा > साईबाबांच्या दर्शनाची इच्छा अपूर्णच; बाईकवरून शिर्डीवर निघालेल्या तीन तरुणांवर काळाचा घाला

निर्यातीसाठी ४५ हजार प्लॉट द्राक्षबागांची नोंद... 
पोषक हवामानामुळे यंदा निर्यातक्षम, दर्जेदार द्राक्षाचे उत्पादन वाढणार आहे. जानेवारीपासून द्राक्ष हंगाम सुरू झाला आहे. या वेळी ४५ हजारांहून अधिक उत्पादकांनी निर्यातीसाठी नोंदणी केलेली आहे. 

हेही वाचा >  निर्दयी मातेनेच रचला पोटच्या गोळ्याला संपविण्याचा कट; अंगावर काटा आणणारा संतापजनक प्रकार उघड

भारतीय द्राक्षांची चिलीशी स्पर्धा... 
निर्यातक्षेत्रात भारतीय द्राक्षांची अनेक वर्षांच्या मोनोपॉलीला मागील काही वर्षांपासून चिली या देशाने आव्हान दिले आहे. मागील वर्षी चिलीच्या द्राक्षांनी चांगलाच भाव खाल्ला होता. त्याचा परिणाम भारतीय द्राक्षांच्या निर्यातीवर झाला होता. चिलीत द्राक्षाच्या ३० ते ३५ व्हरायटी आहेत. 

केंद्र सरकारने बांगलादेशमध्ये द्राक्ष निर्यातीसाठी विशेष लक्ष देऊन वाहतूक खर्च आणि ड्यूटी कमी केली पाहिजे. बांगलादेशातील ढाकाकरिता द्राक्ष निर्यातीसाठी रेल्वे उपलब्ध करून दिल्यास देशातील मोठ्या प्रमाणात द्राक्षे बांगलादेशमध्ये निर्यात केली जातील आणि देशाला चांगले परकीय चलन मिळू शकेल. -कैलास भोसले, अध्यक्ष, द्राक्षबागायदार संघ