Dada Bhuse : गावातील अनुसूचित जाती- जमातीच्या व्यक्तींना शासकीय योजनेतून घरकुल नको असेल किंवा त्यांनी यापूर्वी लाभ घेतला असल्यास संबंधित गावातील ग्रामसेवकाकडून घरकुल नको असल्याचा दाखला घेण्याचे आदेश पालकमंत्री दादा भुसे यांनी दिले आहेत.
नगरविकास विभागाने आठ दिवसांच्या आत याविषयी अहवाल सादर करण्याच्या सूचनाही त्यांनी दिल्या. (Guardian Minister Dada Bhuse statement of Village Sevak will give NOC of houses nashik news)
राज्याचे सार्वजनिक बांधकाममंत्री दादा भुसे यांनी मंगळवारी (ता. ६) जिल्हाधिकारी कार्यालयात घरकुल योजनांचा आढावा घेतला. आमदार ॲड. माणिकराव कोकाटे, सीमा हिरे, महापालिका आयुक्त अशोक करंजकर, अप्पर जिल्हाधिकारी बाबासाहेब पारधे, निवासी उपजिल्हाधिकारी राजेंद्र वाघ, जिल्हा परिषदेचे अतिरिक्त मुख्य कार्यकारी अधिकारी अर्जुन गुंडे, जिल्हा ग्रामीण विकास यंत्रणेच्या प्रकल्प अधिकारी प्रतिभा संगमनेरे, उपमुख्य कार्यकारी अधिकारी वर्षा फडोळ, सहाय्यक आयुक्त (समाजकल्याण) देवीदास नांदगावकर, सहाय्यक आयुक्त श्याम गोसावी आदी उपस्थित होते.
पालकमंत्री भुसे यांनी मोदी आवास घरकुल योजना, प्रधानमंत्री आवास योजना, शबरी आवास योजना, रमाई आवास योजना, आदिम जमाती आवास योजना, अटल बांधकाम कामगार आवास योजना या घरकुल योजनांसह पीएम जनधन योजनेचाही आढावा घेतला.
प्रधानमंत्री आवास योजनेत नांदगाव, मालेगाव, कळवण, बागलाण व येवला तालुक्यांत विशेष अभियान राबवून दिलेल्या लक्ष्यांकानुसार उर्वरित घरकुलांच्या कामांसाठी अधिकारी स्तरावर जबाबदारी निश्चित करण्याचे आदेश त्यांनी दिले. मार्चपर्यंत कामे पूर्ण करावीत. नवीन घरकुलांसाठी प्रस्ताव सादर करण्याची सूचनाही त्यांनी दिली.
अतिक्रमणे नियमित करा
रमाई आवास योजनेंतर्गत घरकुलांसाठी ग्रामपातळीवर पात्र लाभार्थ्यांचे सर्वेक्षण करावे व प्रत्येक गावातील ग्रामसेवकाकडून पात्र लाभार्थ्यांचा दाखला प्राप्त करून पुढील बैठकीत सादर करण्याचे आदेश दिले आहेत. शासकीय जमिनींवरील अतिक्रमणे शासन निर्णयानुसार नियमित करून घेण्याबाबत कार्यवाही करण्याच्या सूचना पालकमंत्री भुसे यांनी दिल्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.