Nashik News : हातमाग, वस्त्रोद्योग तंत्रविज्ञान पदविका प्रवेशासाठी या तारखेपर्यंत मुदत

Nashik News : केंद्र शासनाच्या भारतीय तंत्रविज्ञान संस्थेतील२०२३-२४ या शैक्षणिक सत्राकरिता तीन वर्षीय (सहासत्रीय) हातमाग व वस्त्रोद्योग तंत्रविज्ञान पदविका अभ्यासक्रमाच्या प्रथम व द्वितीय वर्षाकरिता महाराष्ट्र राज्यातून बरगढ (ओडीशा) करीता १३ जागा व आर्थिकदृष्ट्या दुर्बल घटकांकरीता १ जागा आहे. (Handloom Textile Technology Deadline for degree admission is 20th June nashik news)

वेंकटगिरीसाठी २ जागेच्या प्रवेशासाठी पात्र उमेदवारांची निवड करण्याकरिता प्रादेशिक उपआयुक्त वस्त्रोद्योग, नागपूर/सोलापूर/मुंबई/औरंगाबाद यांच्यामार्फत विहित नमुन्यात प्रवेश अर्ज २० जूनपर्यंत मागविण्यात येत आहेत.

इच्छुक उमेदवारांनी आपले परिपूर्ण अर्ज २० जून, २०२३ पर्यंत संबंधित प्रादेशिक उपआयुक्त वस्त्रोद्योग कार्यालयाकडे सादर करावे.

हेही वाचा : Credit Card फसवणूक....काय घ्याल काळजी?

प्रवेश अर्जाचा नमुना व इतर अनुषंगिक माहिती वस्त्रोद्योग आयुक्तालयाच्या http.www.dirtexmah.gov.in वर उपलब्ध आहे.

तसेच अर्जाचा नमुना सर्व प्रादेशिक उपआयुक्त वस्त्रोद्योग यांचे कार्यालयात देखील उपलब्ध आहेत अशी माहिती वस्त्रोद्योग आयुक्त एम. जे. प्रदीप चंदन यांनी कळविली आहे.