मनमाड - रमजानच्या निमित्ताने मनमाड शहरात खजूराच्या किमतीत १० टक्क्यांहून अधिक दरवाढ झाल्याचे दिसून येत आहे. विशेषतः उत्तम दर्जाच्या खजूराच्या विक्रीत ही वाढ आहे. यामुळे या महिन्यात खजुराची मागणी मोठ्या प्रमाणावर वाढली आहे..शहरात विविध ठिकाणी फळांचे गाडे दिसत आहेत, ज्यामुळे इतर फळांच्या विक्रीतही वाढ झाली आहे.यंदा मनमाड बाजारात खजुराचे विविध प्रकार विक्रीसाठी उपलब्ध आहेत. खजुरांच्या विक्रीत वाढ झाली असून, सौदी अरेबिया, इराण, दुबई यांसारख्या देशांपासून खजूर आयात केले जात आहेत..मेडजूल, अजवा, अंबर, कलमी, इराणी, फर्हद, मस्कती, कबकब, सुलतान, सुलतान तैमूर, केनिया आणि सुकरी या उच्च प्रतीच्या खजुरांना मोठी मागणी आहे. स्थानिक बाजारात उपलब्ध असलेले साधे आणि स्वस्त खजूरही ग्राहक आवडीने खरेदी करत आहेत..त्याचबरोबर, शेवया, सुकामेवा आदींची दुकाने देखील सजली आहेत. खजुरामध्ये ऊर्जा, फायबर आणि आवश्यक जीवनसत्त्वे असल्यामुळे उपवासाच्या काळात ते शरीरासाठी अत्यंत लाभकारी ठरतात. या पवित्र महिन्यात केलेले दान देखील विशेष महत्त्वाचे मानले जाते. त्यामुळे अनेक लोक गरजू लोकांना खजूर आणि इतर अन्नपदार्थ दान करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
