Nashik News : गॅस सिलिंडरच्या स्फोटात विवाहितेचा मृत्यू

Nashik News : दिंडोरी रोडवरील गुलमोहरनगरमध्ये घरातील स्वयंपाकाच्या गॅस सिलेंडरचा स्फोट होऊन गंभीररीत्या भाजलेल्या २७ वर्षीय विवाहितेचा उपचारादरम्यान मृत्यू झाला. (Married woman dies in gas cylinder explosion Nashik News)

पुष्पा सुरेंद्र साही (२७, रा. खुशाली विहार, गुलमोहरनगर, दिंडोरी रोड) असे मृत विवाहितेचे नाव आहे.

२२ जुलैला साही यांच्या घरात गॅस सिलिंडरचा स्फोट झाला होता. या दुर्घटनेत पुष्पा साही यांच्या शरीराच्या पाठीमागील भागाला, दोन्ही हातांसह चेहऱ्याला गंभीर दुखापत झाली होती.

हेही वाचा : Credit Card फसवणूक....काय घ्याल काळजी?

जिल्हा रुग्णालयात प्राथमिक उपचार करून त्यांना पुढील उपचारासाठी खासगी रुग्णालयात दाखल करण्यात आले होते.

परंतु तिथे उपचारादरम्यान शुक्रवारी (ता. २८) मृत्यू झाल्याचे डॉ. निखिल घोडके यांनी घोषित केले. म्हसरूळ पोलिसांत अकस्मात मृत्यू नोंद करण्यात आली आहे.