मालेगाव (जि. नाशिक) : शहरातील धान्य व्यापारी रमेश लोहाडे यांच्याकडून दुध व्यवसायासाठी दुध विक्री व्यावसायिक प्रवीण देवरे (रा. संगमेश्वर) यांनी ८ लाख रुपये उसनवार घेतले होते. रक्कम परत फेडीसाठी श्री. देवरे यांनी स्टेट बँक मालेगाव शाखेचा ८ लाखाचा धनादेश दिला होता. बँकेत पुरेशी रक्कम शिल्लक नसल्याने धनादेश वटला नाही.
धनादेश न वटल्याने श्री. लोहाडे यांनी श्री. देवरे यांना चेक न वटल्याची नोटीस दिली. नोटीस मिळून देखील त्यांनी चेकची रक्कम न दिल्याने लोहाडे यांनी येथील अतिरिक्त मुख्य न्यायदंडाधिकारी अर्चना तामणे यांच्या न्यायालयात फौजदारी खटला दाखल केला. या खटल्याचे कामकाज नुकतेच झाले. लोहाडे यांच्यातर्फे ॲडव्होकेट सुधिर अक्कर यांनी काम पाहिले. न्यायालयाने श्री. देवरे यांना दोषी ठरवित दोन महिने कैद, साडेआठ लाख रुपये नुकसान भरपाई व नुकसान भरपाईची रक्कम एक महिन्यात अदा न केल्यास पुन्हा एक महिन्याची कैद अशी शिक्षा सुनावली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
