Nashik Crime News : अल्पवयीन बालिकेचा विनयभंग; 3 वर्षांचा सश्रम तुरुंगवास

Molestation
Molestationesakal

नाशिक : नऊवर्षीय बालिकेस मोबाईलवर अश्लील चित्रफिती दाखवत तिचा विनयभंग केल्याप्रकरणी आरोपीस जिल्हा व सत्र न्यायालयाने तीन वर्षे सश्रम तुरुंगवासाची शिक्षा सुनावली. ही घटना सिन्नर येथील गावात घडली होती. (molestation of minor girl 3 years rigorous imprisonment to suspect nashik Latest Crime News)

Molestation
Nashik Crime News : वॉचमनने केला बांधकाम मजुराचा खून

गणेश सदाशिव जाधव (२४, रा. टिकोणी गल्ली, सिन्नर) असे शिक्षा सुनावलेल्या आरोपीचे नाव आहे. पीडितेच्या आईने याप्रकरणी तक्रार दाखल केली होती. नऊवर्षीय बालिका ३ ऑक्टोबर २०१५ ला घरात एकटी असताना परिचित असलेल्या आरोपीने घरात घुसून हे कृत्य केले होते. याप्रकरणी सिन्नर पोलिस ठाण्यात विनयभंगासह बाललैंगिक अत्याचार संरक्षण कायद्यान्वये गुन्हा दाखल झाला होता. उपनिरीक्षक टी. एन. आठवले यांनी तपास करून पुराव्यानिशी दोषारोपपत्र न्यायालयात सादर केले.

जिल्हा व सत्र न्यायालयाचे विशेष न्यायदंडाधिकारी डी. डी. देशमुख यांच्या कोर्टात हा खटला चालला. या खटल्यात विशेष सरकारी वकील अ‍ॅड. दीपशिखा भिडे यांनी सहा साक्षीदार तपासले. न्यायालयाने फिर्यादी, पंच आणि साक्षीदारांची साक्ष आणि तपास अधिकाऱ्यांनी सादर केलेले पुरावे ग्राह्य धरून आरोपीस तीन वर्षे सश्रम तुरुंगवास आणि तीन हजार रुपये दंडाची शिक्षा सुनावली.

Molestation
Satpur Extortion Case : भाजप महिला नगरसेवक पुत्र नागरेवर वर्षभरात तिसरा हल्ला

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com