Nashik News: चक्क! चालत्या गाडीवर वानर राजाच्या मर्कटलीला...

सिन्नर : माकड हा अत्यंत खोडकर प्रवृत्तीचा प्राणी म्हणून ओळखला जातो. तो अनेकदा लोकांच्या हातामधील साहित्य सुद्धा पळवून नेतो.

पर्यटन स्थळावर फिरताना असे प्रकार कदाचित तुमच्यासोबत देखील घडले असतील. याच माकडाच्या अफाट मर्कटलीला तुम्ही ऐकल्या असतील, आज अशीच एक मर्कटलीला नाशिक पुणे महामार्गावर या वानर राजाने केली. (monkey above on moving car at sinnar Nashik News)

नाशिक पुणे महामार्ग हा सतत सुरू असतो. वाहनांची वर्दळ सुरू असताना एका माकडाने चालत्या गाडीवर उडी मारली, बिचाऱ्या वाहन चालकाने आपली गाडी हळू करत रस्त्यावरच्या बाजूला लावली असता, त्या वानरराजांनी सुमारे दहा ते पंधरा मिनिटं त्या गाडीवर बसून गाडीचा आनंद लुटला.

येणाऱ्या जाणाऱ्या अनेक वाहन चालकांना या माकडाच्या करामतींनी एक विरूंगळा झाला. साधारण पंधरा ते दहा मिनिटं हे माकड त्या गाडीवर बसून होते.

त्यानंतर आलेल्या एका मागील गाडीवर त्याने उडी मारली व चालत्या गाडीवर त्याने निसर्ग सफरीचा आनंद रस्त्याने घेतला. ओमिनीवर वरती बसून जात असताना या माकडाच्या अगादलीलांनी रस्त्यांवरच्या वाहन चालकांना एक करमणूक झाली.

साधारण दोन किलोमीटर पुढे गेल्या असता, या माकडाने वावी वेस येथे आपले बस्थान मांडून तेथील भाजीपाल्यावर ताव मारला. अनेक भाज्या त्याने येथेच्छ खात आनंद लुटला. या माकडाची मर्कटलिला बघून रस्त्यांनी जाणाऱ्या येणाऱ्या चिमुकल्यांसहित नागरिकांना एकच विरंगुळ मिळाला.