नाशिक जिल्ह्यात दिवसभरात २२८ कोरोनामुक्‍त

नाशिक : जिल्‍ह्‍यात कोरोनामुक्‍त रुग्‍णांची वाढती संख्या व नव्‍याने आढळणाऱ्या कोरोना बाधितांची घटती संख्या दिलासादायक आहे. यामूळे दुसऱ्या लाटेत पन्नास हजारापर्यंत पोहचलेली जिल्‍ह्‍यातील ॲक्‍टिव्‍ह रुग्‍ण संख्या सध्या एक हजारापर्यंत खालावली आहे. बुधवारी (ता.२८) दिवसभरात सत्तर रुग्‍णांचे अहवाल पॉझिटिव्‍ह आले. तर २२८ रुग्‍णांनी कोरोनावर यशस्‍वीरीत्‍या मात केली. तिन बाधितांचा उपचारादरम्‍यान मृत्‍यू झाला. सद्यःस्‍थितीत जिल्‍ह्‍यात १०६६ बाधितांवर उपचार सुरु आहेत. (Nashik-corona-update-228-patients-discharged-in-district-marathi-news)

दिवसभरात २२८ रुग्‍णांची कोरोनावर यशस्‍वीरीत्‍या मात

बुधवारी नाशिक महापालिका क्षेत्रात २६, नाशिक ग्रामीण क्षेत्रात ४२, मालेगावला एक तर जिल्‍हा बाहेरील एका बाधिताचा अहवाल पॉझिटिव्‍ह आला. तर दिवसभरात २२८ रुग्‍णांनी कोरोनावर यशस्‍वीरीत्‍या मात केली. जिल्‍ह्‍यातील सर्व तीन मृत हे नाशिक ग्रामीण क्षेत्रातील आहेत. नाशिक महापालिका हद्दीत कोरोनामुळे एकही मृत्‍यू झाला नसल्‍याचही दिलासादायक बाब राहिली.

दरम्‍यान सायंकाळी उशीरापर्यंत एक हजार ६७५ रुग्‍णांचे अहवाल प्रलंबित होते. यात नाशिक ग्रामीण क्षेत्रातील एक हजार २९१, नाशिक महापालिका क्षेत्रातील १९३, मालेगाव महापालिका क्षेत्रातील १९१ रुग्‍णांना अहवालाची प्रतिक्षा कायम होती. जिल्‍हाभरातील रुग्‍णालये व गृहविलगीकरणात ५३० रुग्‍ण दाखल झाले. यात नाशिक महापालिका क्षेत्रातील ५११ रुग्‍णांचा समावेश आहे. जिल्‍हा रुग्‍णालयात एक रुग्‍ण दाखल झाला. नाशिक ग्रामीणमध्ये १७, मालेगाव महापालिका क्षेत्रात एक रुग्‍ण दाखल झाला.

(Nashik-corona-update-228-patients-discharged-in-district-marathi-news)