Nashik Vegetable Rate Hike : आवक घटली; पालेभाज्या दर वधारले

Nashik News : गेल्या दोन दिवसांपासून उन्हाचा तडाखा पुन्हा वाढला आहे. मध्यंतरी वळिवाच्या पाऊसदेखील आला होता. यामुळे वातावरणात बदल झाला असून परिणामी पालेभाज्या आवक सद्यःस्थितीत सुमारे वीस ते तीस टक्क्यांवर आली आहे. त्यामुळे बहुतांश पालेभाज्या दर वधारले आहेत. (Income decreased Leafy vegetable prices increased)

यात गावठी कोथिंबीर किमान ७० रुपये झुडी, सर्वाधिक १२१ रुपये झुडी व चायना कोथिंबिरीला किमान ६५ रुपये झुडी तर सर्वाधिक १२६ रुपये झुडीचा भाव आहे. नाशिक कृषी उत्पन्न बाजार समितीत सद्यःस्थितीत नाशिक, सिन्नर, दिंडोरी, पिंपळगाव, त्र्यंबकेश्वर आदी भागांतून पालेभाज्या व फळभाज्या येत आहेत.

बाजार समितीत खरेदी केलेला शेतमाल हा मुंबई, गुजरात अहमदाबादकडे पाठविला जातो आणि काही प्रमाणात हा स्थानिक विक्रीसाठी व्यापारी खरेदी करत असतात. पालेभाज्यांची आवक सद्यःस्थितीत सुमारे वीस ते तीस टक्क्यांवर आली आहे. (latest marathi news)

यामुळे दर वधारले असून स्थानिक पातळीवर होणारी विक्री किंमत परिणामी वाढली आहे. बाजार समितीत शुक्रवारी (ता.३१) झालेल्या लिलावात गावठी कोथिंबीर ७० ते १२१ रुपये झूडी, चायना कोथिंबीर ६५ ते १२६ रुपये झुडी.

मेथी ३० ते ४९ रुपये झुडी, शेपू ४० ते ८६ रुपये झुडी, कांदापात १५ ते ७८ रुपये झुडीला भाव मिळाला आहे. तेच किरकोळ बाजारात कोथिंबीर, मेथी, शेपू, कांदापात यांची झुडी छोटी करून डबल बाजार भावाने विक्री होत आहेत.