Nashik : कंदुरीला जाणारा टेम्पो आगीत भस्मसात,वैजापुरजवळ दुर्घटना; जिवित हानी नाही

वैजापुर - नाशिक जिल्ह्यातील सिन्नर येथे कंदुरीच्या कार्यक्रमासाठी जाणाऱ्या दहा जणांच्या टेम्पोला भरधाव कारने जोराची धडक दिल्याने टेम्पो उलटुन सात जण गंभीर जखमी झाले. तर टेम्पोची डिझेल टाकी फुटुन आग लागली.

स्थानिकांनी प्रसंगावधान राखत तातडीने टेम्पोत अडकलेल्यांना बाहेर काढले.‌ येथील उपजिल्हा रुग्णालयात प्राथमिक उपचार केल्यानंतर जखमींना छत्रपती सभांजीनगरच्या घाटी रुग्णालयात पाठवण्यात आले आहे. हा अपघात बुधवारी रात्री बारा वाजल्याच्या सुमारास शहराजवळ गंगापूर चौफुली येथे घडला.