Nashik News : रविशंकर मार्गावर दुचाकीने घेतला पेट

डीजीपीनगर : रविशंकर मार्गालगत कोर्ट यार्ड सोसायटीसमोर रविवारी (ता. २५) दुपारी साडेचारच्या सुमारास मोकळ्या जागेत दुचाकीने अचानक पेट घेतला. चालक पेटती दुचाकी सोडून मोकळ्या ठिकाणी पळाल्याने तो बचावला, मात्र इजा झाल्याचे प्रत्यक्षदर्शींनी सांगितले. (Nashik Two wheeler caught fire on Ravi Shankar Marg marathi news)

दरम्यान, उपनगर पोलिस ठाण्याच्या हवालदारांनी घटनास्थळी धाव घेत कृष्णा गायकवाड, अतुल पाटील, आय. एन. शेख यांनी बादलीने, तर अग्निशमन दलाकडून आग विझविण्यात आली.

अग्निशमन दलाचे कर्मचारी रामदास काळे, प्रतीक सोनवणे, लक्ष्मण बेंद्रे यांनी आग नियंत्रणात आणली. आगीत दुचाकीची नंबरप्लेट जळून खाक झाल्याने मालकाचा शोध घेणे अवघड झाले होते.

चेसीज नंबरवरून मालकाचा शोध घेतला जाईल, असे पोलिसांनी सांगितले. जळालेली दुचाकी उपनगर पोलिस ठाण्यात नेण्यात आली असून, पोलिस तपास करीत आहेत. (latest marathi news)