Nashik : मांजा वापरल्याप्रकरणी तडीपारीचे आदेश

सिडको : नायलॉन मांजा (Nylon Manja) बाळगल्याप्रकरणी सिडकोत तडीपारीची कारवाई केल्यामुळे खळबळ उडाली आहे. पोलिस उपायुक्तांच्या मार्गदर्शनाखाली अंबड पोलिसांकडून झालेल्या कारवाईचे पर्यावरणप्रेमींनी स्वागत केले आहे. निशांत किशोर सोनकर (रा. महाराणा प्रताप चौक ,सिडको) यांच्याविरोधात तडीपारीचे आदेश काढले. या व्यक्तीला ३० जानेवारीपर्यंत नाशिक शहर (Nashik City) आणि जिल्ह्यातून तडीपार केले आहे.

४ जानेवारी २०२२ च्या अधिसूचनेनुसार नाशिकसह सिडको परिसरात नायलॉन मांजाविक्री, निर्मिती, साठा व वापरावर बंदी घातली आहे. त्यानुसार परिमंडळ २ चे उपायुक्त विजय खरात यांच्या मार्गदर्शनाखाली अंबड ठाण्याचे वरिष्ठ निरीक्षक भगीरथ देशमुख यांनी कारवाई केली आहे.

'नागरिकांना जर कुणी नायलॉन मांजाविक्री करत असेल तर याची माहिती पोलिसांना द्यावी. माहिती देणाऱ्याचे नाव गोपनीय ठेवण्यात येईल.'

- विजय खरात, उपायुक्त, परिमंडळ