जुने नाशिक : पावसामुळे शहराच्या विविध भागात सुमारे १४ वृक्ष कोसळण्याच्या घटना घडल्या. काही ठिकाणी वीजपुरवठा खंडित झाला, तर सिडको परिसरात वाहनाचे नुकसान झाले आहे. गुरुवारी (ता. ९) सायंकाळी जोरदार पावसाने हजेरी लावली.
सातपूरमध्ये तीन ठिकाणी वृक्ष कोसळण्याच्या घटना घडल्या. तर, वडाळा नाका परिसरात उच्च दाबाच्या तारेवर वृक्ष कोसळल्याने जुने नाशिकसह वडाळा रोड, नागजी हॉस्पिटल परिसर, द्वारका तसेच विविध भागातील वीजपुरवठा खंडित झाला. बहुतांशी भागात रात्रभर वीजपुरवठा खंडित होता. शुक्रवारी (ता. १०) दुसऱ्या दिवशीदेखील सायंकाळी पावसाने हजेरी लावली. सुमारे दहा ठिकाणी वृक्ष कोसळण्याच्या घटना घडल्या.
सिडको येथे चार ठिकाणी, सातपूर भागात तीन ते चार ठिकाणी, तर कॅनडा कॉर्नर आणि मुंबई नाका परिसरात झाडाच्या फांद्या तसेच वृक्ष कोसळण्याच्या घटना घडल्या. सिडको येथील महाराष्ट्र बँक परिसरातील झाडाखाली उभ्या असलेल्या कारचे मोठे नुकसान झाले आहे. वीजपुरवठा मात्र सलग दुसऱ्या दिवशीही खंडित झाला आहे. अग्निशमन विभागास माहिती मिळताच त्यांनी कोसळले वृक्ष हटवून वाहतुकीसाठी रस्ता मोकळा करून दिला. महापालिकेकडून धोकादायक आणि पोकळ झालेले वृक्षांचे सर्वेक्षण करण्याकडे दुर्लक्ष झाल्याने दरवर्षी वृक्ष कोसळण्याच्या मोठ्या प्रमाणावर घटना घडत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
