Ganeshotsav 2022 : वाजत गाजत नाशिकच्या महागणपतीचे आगमन

जुने नाशिक : महागणपतीचे सोमवारी (ता.२९) वाजतगाजत आगमन झाले. सारडा सर्कल ते गाडगे महाराज पुतळा मेनरोडपर्यंत ढोल ताशांच्या गजरात आणि फटाक्यांच्या आतषबाजीत मिरवणूक काढण्यात आली. शेकडो भाविकांनी या वेळी मिरवणुकीत सहभागी होत दर्शनाचा लाभ घेतला. (Ganeshotsav 2022 Arrival of Maha Ganesha of Nashik Latest Marathi News)

शिवसेना युवक मित्रमंडळातर्फे महागणपतीचे दोन दिवसापूर्वीच आगमन झाले. सोमवारी आगमन सोहळा झाला. सारडा सर्कल, वाकडी बारावी, फुले मार्केट परिसर, दूध बाजार, भद्रकाली भाजी मार्केट, बादशाही कॉर्नर मार्गे गाडगे महाराज पुतळा मेनरोडपर्यंत भव्य मिरवणूक काढण्यात आली.

ढोल ताशांच्या गजरात आणि फटाक्यांच्या आतषबाजीने संपूर्ण परिसर दणाणून गेला होता. तत्पूर्वी माजी आमदार वसंत गीते, शिवसेना महानगरप्रमुख सुधाकर बडगुजर, शिवसेना ज्येष्ठ नेते सुनील बागूल, माजी महापौर विनायक पांडे, दत्ता गायकवाड, माजी उपमहापौर प्रथमेश गिते, ऋतुराज पांडे, नितीन रोटे पाटील यांच्या हस्ते आरती करण्यात आली. शेकडो भाविकांनी दर्शनासाठी गर्दी केली होती.

महागणपतीचे वैशिष्ट्ये

शिवसेना युवक मित्र मंडळातर्फे स्थापना करण्यात येणाऱ्या नाशिकचा महागणपतीची मूर्तीची उंची २५ फूट उंच आहे. फायबरने तयार केलेली मूर्ती आहे. तर ३ हजार किलो मूर्तीचे वजन आहे.