नाशिक : तीन दिवसांपासून सुरू असलेल्या संततधारेमुळे जिल्ह्यातील सगळ्याच नद्यांचा प्रवाह वाढला आहे. दारणा, गोदावरीसह वालदेवीचे पाणी वाढले आहे. दरम्यान दाढेगाव शिवारात सायंकाळी उशिरा एकजण नदीत वाहून गेला. आपत्ती व्यवस्थापन विभागातर्फे २४ तासांपासून त्याचा शोध सुरू आहे. वसंत लक्ष्मण गांगुर्डे (वय ४५) असे वाहून गेलेल्या व्यक्तीचे नाव आहे.
२४ तासांपासून शोध सुरूच
पिंपळगाव खांब परिसरातील गांगुर्डे शनिवारी (ता. ११) वाहून गेले. दाढेगावला शनिवारी सायंकाळी पाचच्या सुमारास एकजण वाहून गेल्याचा कॉल आल्यापासून त्याचा शोध सुरू आहे. वाहून गेलेला व्यक्तीचा आपत्ती व्यवस्थान पथकाने शनिवारी शोध घेतला. रविवारी (ता. १२) सकाळी साडेसातला शोधकार्य सुरू झाले. दुपारी तीनपर्यंत ते सुरू होते. यात आपत्ती व्यवस्थापन अधिकारी अर्जुन कुऱ्हाडे यांच्या मार्गदर्शनाखाली मंगेश केदारे, प्रवीण काळे, विशाल चौधरी, भगवान पंडित, मयूर दंडाईत, साहील मोरे, रितेश टोकरे, अजय बोराडे, सचिन साळवे आदींसह अग्निशमन दलाचे जवानही सहभागी झाले आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.