Nashik Crime: चांदवड-मनमाड रस्त्यावर चाकूचा धाक दाखवीत लुटले

सोग्रस : चांदवड-मनमाड रस्त्यावर चांदवड शिवारातील वस्तीजवळ रात्रीच्या सुमारास पिकअप चालकाला चाकूचा धाक दाखवून चार चोरट्यांनी रोकड व दोन मोबाईल असा एकूण दोन लाख ५४ हजार रुपयांना लुटले.

चांदवड पोलिस ठाण्यात चोरट्यांविरुद्ध जबरी चोरीचा गुन्हा दाखल करण्यात आला आहे. (Robbed at knife point on Chandwad Manmad road Nashik Crime)

पिकअप (एमएच ४१ एयू १८७८) जात असताना चांदवडपासून पाच किलोमीटर अंतरावरील म्हसोबा मंदिराच्या पुढे दोन मोटरसायकलींवर आलेल्या चौघांनी पिकअप जीपला ‘ओव्हरटेक' करीत पिकअप अडविली.

त्यानंतर चौघांनी चालकासह एकास चाकूचा धाक दाखवून त्यांच्याकडील अडीच लाख रोखीसह मोबाईल घेऊन पोबारा केला. पिकअप चालक अमीर ऊर्फ शोएब जब्बार सय्यद (रा. मनमाड) यांनी चांदवड पोलिस ठाण्यात तक्रार दिली.