Bharat Jodo Yatra : नांदेडला भारत जोडो यात्रेत नाशिकचे पदाधिकारी सामील

नाशिक : भारत जोडो यात्रेसाठी नाशिक येथून काँग्रेसचे ज्‍येष्‍ठ पदाशिकारी नांदेड येथे आज सकाळी रवाना झाले. मुख्य जबाबदारी हिंगोलीत असल्‍यामुळे नाशिक येथून मोठया प्रमाणात कार्यकर्ते रवाना होणार आहेत. या यात्रेत नाशिकच्या कार्यकर्त्‍यांनी काँग्रेस नेते राहुल गांधी यांची भेट घेत हिंगोलीसाठी रवाना झाले. (sharad aher balasaheb thorat Nashik participate in Bharat Jodo Yatra to Nanded Nashik News)

राहुल गांधी यांच्या महाराष्‍ट्रातील यात्रेसाठी प्रदेश उपाध्यक्ष शरद आहेर, प्रवक्‍त्‍या डॉ. हेमलता पाटील, माजी मंत्री डॉ. शोभा बच्छाव यांच्यासह नाशिकमधील अनेक पदाधिकारी नांदेडला गेले आहेत. प्रदेश पदाधिकाऱ्यांवर संयोजनाच्या जबाबदाऱ्या असून शरद आहेर यांच्याकडे अतिमहत्‍वाच्या व्यक्‍तींच्या दौऱ्याबाबतचे नियोजन करणाऱ्या समितीचे सदस्‍यपद आहेत. त्‍यामुळे नांदेडपासूनच प्रमुख पदाधिकाऱ्यांनी यात्रेत सहभाग घेतला आहे. काँगेसचे पदाधिकारी सुरेश मारु आणि उद्धव पवार यांनी यात्रेसाठी खास टीर्शट तयार करून घेतले आहेत.

या शर्टवर तिरंगा ध्वजाचे व भारत जोडो यात्रा असे छापण्यात आले आहे. तो परिधान करून यात्रेत सुरेश मारू व उद्धव पवार सहभागी झालेत. माजी कृषीमंत्री बाळासाहेब थोरात व प्रदेशाध्यक्ष नाना पटोले यांची त्‍यांनी भेट घेतली. नाशिकच्या कार्यकर्त्यांवर हिंगोली येथील दौऱ्याची जबाबदारी असून हिंगोली व अकोला या भागातील यात्रेत नाशिकमधील सर्व कार्यकर्ते सहभागी होणार असल्‍याची माहिती प्रदेश उपाध्यक्ष शरद आहेर यांनी दिली.