मेहनतीच्या बळावर सुदाम गाडेकरांची अमेरिका वारी! LICच्या आंतरराष्ट्रीय दर्जाचा MDRT पुरस्कार जाहीर

येवला (जि. नाशिक) : जिद्द, कष्ट करण्याची तयारी आणि प्रामाणिकपणा असेल तर कोणताही सामान्य माणूस मोठी कामगिरी करू शकतो. हे सिद्ध करून दाखवले कोळगाव या छोट्याशा खेडेगावतील शेतकरी कुटुंबातील सुदाम गाडेकर यांनी. (Sudam Gadekar journey to America by hard work LIC International Standard MDRT Award Announced nashik news)

हेही वाचा : जोखमीचे भान राखूनच करा SIP मध्ये गुंतवणूक

भारतीय जीवन बिमा निगमतर्फे दिला जाणारा आंतरराष्ट्रीय दर्जाचा एमडीआरटी बहुमानाचा पुरस्कार येवला तालुक्यातून प्रथमच त्यांनी पटकावला आहे. त्यामुळे त्यांना अमेरिका दौऱ्यावर जाण्याची संधी मिळाली आहे. एमडीआरटी २०२३ हा बहुमान पटकावणारे ते येवला तालुक्यातील प्रथम विमा सल्लागार आहेत. एक सामान्य शेतकरी पुत्र अमेरिका वारी करतोय, ही अभिमानाची गोष्ट आहे.

ग्रामीण भागात दुर्लक्षित करण्यात येणारा जीवन विमा व आरोग्य विमा योजनांचा लाभ अनेक गरजूंना मिळवून देण्यासाठी सुदाम गाडेकर यांनी गेली. सोळा वर्ष त्यांनी कठोर परिश्रम घेतले आहे. भारतीय जीवन विमा निगम मनमाड शाखेचे शाखाधिकारी अरुण सोनवणे, नवीन व्यवसाय विभागाचे अधिकारी अशोक कुक्कर, विकास अधिकारी रोहित पगारे, संजय दारोळे, मनोज वाघ, सुनील वाढवणे, देवेंद्र पगार यांचे त्यांना मार्गदर्शन लाभले.

मनमाड शाखेतील कर्मचारी, विमाप्रतिनिधी संघटना, व नगरसूल ग्रामस्थांतर्फे त्यांचा सत्कार करण्यात आला. मेहनत करण्याची तयारी आणि कामात प्रामाणिकपणा असला की कुठली गोष्ट अशक्य नाही. ग्रामीण भागातील जनतेला विम्याचे महत्त्व सांगितले व त्यांनी विश्वास ठेवल्याने हे उद्दिष्ट पूर्ण करू शकलो असल्याची प्रतिक्रिया गाडेकर यांनी व्यक्त केली.