Sudhir Tambe News: सत्यजित तुमचा कर्जदार, मी ...... : सुधीर तांबे

sudhir tambe nashik news
sudhir tambe nashik news esakal

देवगाव (जि. नाशिक) : शैक्षणिक क्षेत्रातून तरुण पिढीचे भविष्य (Future) घडविले जाते, परंतु त्या क्षेत्राकडे दुर्लक्ष होत असल्याची बाब चिंताजनक आहे. (sudhir tambe statement about satyajeet tambe election winning nashik news)

पदवीधर, कृषी, आरोग्य, उद्योग, बेरोजगारीबरोबर शैक्षणिक क्षेत्रातील प्रश्न सोडविण्यासाठी प्रयत्नशील आहे. सत्यजितला तुम्ही भरघोस मतदान करून निवडून दिले, आमदार केले, त्यामुळे सत्यजित हा तुमचा कर्जदार असून त्या कर्जाला मी जामीनदार आहे असे मनोगत माजी आमदार सुधीर तांबे (Sudhir Tambe) यांनी येथे व्यक्त केले.

देवगाव येथील श्री. डी. आर. भोसले विद्यालयात आभार दौऱ्याप्रसंगी ते बोलत होते. अध्यक्षस्थानी माजी पंचायत समिती सदस्य भाऊसाहेब बोचरे तर प्रमुख पाहुणे म्हणून माजी सरपंच विनोद जोशी, कानळदचे सरपंच शांताराम जाधव, पोलिस पाटील सुनील बोचरे, बापूसाहेब बोचरे, प्राचार्य के. एम. गाजरे, पर्यवेक्षक उगले उपस्थित होते.

हेही वाचा : कॅशबॅक किंवा खरेदीवर सूट मिळणारंच कार्ड निवडा...

‘‘छत्तीसगड आणि राजस्थान या राज्यात जुनी पेन्शन योजना लागू झालेली असून त्याच धर्तीवर महाराष्ट्रात ती योजना लागू करण्यासाठी त्या राज्यांत जात आमदार सत्यजित आणि मी अभ्यास दौरा करणार आहे.

आजी आणि माजी असे दोन आमदार तुम्हाला लाभले असून जुनी पेन्शन योजना लागू केल्याशिवाय स्वस्त बसणार नाही. भाऊसाहेब बोचरे यांनी मनोगतात शालेय परिसरातील भौतिक सोयी सुविधा, अडचणी सोडविण्याची मागणी ताबे यांच्याकडे केली.

प्रसंगी जयेश लोहारकर, मनोहर बोचरे, धनंजय जोशी, अशोक बोचरे, रामनाथ बोचरे, गोपीनाथ मेमाणे, वाल्मिक बोचरे, रवींद्र बोचरे, कचरू बोचरे, गोरख निलख, ज्ञानेश्वर बोचरे, बाळासाहेब मोरे, भाऊसाहेब शिंदे आदीसह ग्रामस्थ, शिक्षक, शिक्षकेतर कर्मचारी उपस्थित होते.

राजकारणाचा स्तरच घसरला

निवडून आलेल्या लोकप्रतिनिधींनी विधायक कामे करण्यात वेळ दिला पाहिजे, परंतु सध्या राज्यात सुरू असलेले राजकीय नाट्य बघितले तर लोकप्रतिनिधींची तू-तू ,मै-मै करण्यातच वेळ जात आहे.

संसदीय कार्यपद्धतीत लोकप्रतिनिधीचा असलेला उद्देशच सफल होताना दिसत नाही. सध्याची राजकीय परिस्थिती बघितली तर राजकारणाचा स्तरच घसरला असल्याची खंत माजी आमदार सुधीर तांबे यांनी व्यक्त केली.

sudhir tambe nashik news
Nashik News: उत्तर महाराष्ट्रातील सर्वात उंच छत्रपती शिवाजी महाराजांच्या पूर्णाकृती पुतळ्याचे कळवणला आगमन

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com