इगतपुरी (जि. नाशिक) : तालुक्यात गेल्या वर्षी गावरान आंब्याला मोहोर जास्त नव्हता. त्यामुळे अनेकांच्या पदरी निराशा पडली. मात्र यंदा गावरान आंब्याची झाडे बहरली असून, मोहोर चांगला आल्याने देशी गावरान आंबे मोठ्या प्रमाणात उपलब्ध होणार आहेत. दुसरीकडे आंब्याची झाडे मोहोराने बहरल्याने मधमाशांसाठी भोजनाची जोरदार व्यवस्था झाली आहे. यामुळे मधाच्या उत्पादनात वाढ होणार आहे. यंदा चांगला पाऊस पडल्याने शेती शिवारातील आंब्याच्या झाडाला मोठा मोहोर आला असून, तालुक्यातील आंब्याची झाडे मोहोरांनी बहरली आहेत.
डिसेंबर ते जानेवारीत आंब्याला मोहोर येण्यास प्रारंभ होतो. दोन वर्षांत पावसाचा अनियमितपणा, गारपीट, वादळी वारे यामुळे मोहोराचे प्रमाण कमी होते. याचा व्यापारी व शेतकऱ्यांना फटका बसला. यंदा सुरवातीपासून पावसाळा अखेरपर्यंत अधूनमधून सतत चांगल्या प्रकारे पडल्याने आंब्याला मोहोर भरल्याने शेती शिवार फुलले आहे.
काही शेतकऱ्यांनी कृषी विभागामार्फत (Agriculture Department) एक ते दोन एकर याप्रमाणे स्वतंत्र आंब्याच्या बागा उभारल्या. अपेक्षेप्रमाणे थंडी असल्यामुळे लहान मोठ्या आंब्याच्या झाडाला मोहोर आला आहे. मोहोर येऊन फळधारणा झाल्यास आंबा मार्चअखेर बाजारात येईल. एकूणच यावर्षी चांगला पाऊस पडल्याने झाडाची वाढही जोमदार झाली असून, शिवारातील गावरान आंब्याच्या झाडासह शेतकऱ्यांनी आपल्या शेताच्या बांधावर लावलेल्या हापूस, केशर या आंब्याच्या झाडाला मोहोर बहरला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
