नाशिक रोड- नाशिक- पुणे महामार्गावरील शिंदे गाव येथील टोलनाक्यावर १ एप्रिलपासून टोल सरासरी पाच रुपयांनी वाढला आहे. याबाबत नागरिक, वाहनधारकांकडून नाराजी व्यक्त केली जाते. नाशिक ते सिन्नर महामार्ग खड्ड्यांमुळे मृत्यूचा सापळा बनला आहे. .एका बाजूला टोल दरवाढ, तर दुसऱ्या बाजूला रस्त्याची दुरवस्था झाली आहे. सिन्नर फाटा ते मनेगाव फाटा या २५ किलोमीटर रस्त्याचे नागरिकच आता ऑडिट करीत आहेत. रस्ता चांगला नाही, मग टोल का वाढविता, असा प्रश्न नागरिकांनी टोल प्रशासनाला विचारला आहे..शिंदे टोलनाका येथील आर्थिक नवीन वर्षाच्या निकषानुसार राष्ट्रीय महामार्ग विभागाने परतीचा प्रवास पाच रुपयांनी वाढवला आहे. त्यामुळे नागरिक वाहनधारकांमध्ये संताप व्यक्त केला जात आहे. नाशिक रोड ते सिन्नर बायपासपर्यंत रस्ता संपूर्ण नादुरुस्त असून रस्त्यावरून वाहन चालवताना अक्षरश जीव मुठीत धरून वाहन चालवावे लागते. .रस्त्याची दयनीय अवस्था असतानादेखील केवळ टोल प्रशासन अधिकचे पैसे मिळवण्यासाठी धडपड करत आहे. टोल घ्या पण रस्ता राष्ट्रीय महामार्गासारखा रस्ता बनवा असे आवाहन नागरिकांनी आणि वाहन चालकांनी टोल प्रशासनाला केले आहे. मात्र आज टोल प्रशासन केवळ दरवर्षी टोल दरवाढ करून पैसे वसुली करत आहे. कोणत्याही प्रकारची सुविधा टोल प्रशासन वाहनधारकांना देत नाही. आज टोल वरती टोल देण्यासाठी देखील वाहनांना तास तास रांगेत उभे राहावे लागते. तरी संबंधित राष्ट्रीय महामार्ग विभाग कोणत्याही प्रकारच्या सूचना टोल प्रशासनाला देत नाही..रस्त्यावर पडलेले खड्डे तातडीने बुजवून एक लेअर सिन्नर फाटा ते सिन्नर बायपास या दरम्यान देऊन रस्त्याची दुरुस्ती करावी. सर्व्हिस रोडवरील वाढलेले अतिक्रमण काढायला हवे. रस्ता दुरुस्ती झाली नाही आणि टोल दरवाढ मागे घेतली नाही तर आम्ही आंदोलन करू.- गणेश गायधनी, रहिवासी, पळसे .जोपर्यंत टोलवेज कंपनी रस्त्याची योग्य अशी दुरुस्ती करत नाही, तोपर्यंत वाहनधारकांकडून टोल घेऊ नये. टोलचा वाढलेला दर हा तातडीने मागे घ्यावा. रस्त्यावर मोठे मोठे खड्डे पडले आहे. रस्ता सपाट करा आणि मग वाहन चालकांकडून कर वसूल करा.- राहुल पोळ, वाहनचालक.रस्ता दुरुस्त करणारनाशिक- सिन्नर टोलवेजचे प्रशासक नवनाथ केदार यांनी सांगितले, की रस्त्यावर पडलेले खड्डे लवकरच बुजविणार असून, सिन्नर फाट्यापासून मनेगाव फाट्यापर्यंत रस्त्याला लेअर टाकून रस्ता सपाट करणार आहोत. रस्त्यावर सध्या खड्डे दिसल्यास तत्काळ सांगावे. टोल केवळ सिन्नरहून नाशिकला येताना वाढलेला आहे. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
