Dhule News : अनामत रकमेसह मासिक भाडे अशी सुमारे ६० ते ७० लाख रुपये थकबाकी असलेल्या जिल्हा क्रीडा संकुल व गरुड मैदान व्यापारी संकुलातील १३० गाळे धारकांना जिल्हा क्रीडा अधिकारी कार्यालयातर्फे नोटिसा बजावण्यात आल्या.
थकबाकी भरा अन्यथा कारवाई करू असा इशारा या नोटीसमधून देण्यात आला आहे. (Pay dues otherwise action notices from District Sports Officer office dhule news)
धुळे शहरातील वाडीभोकर रोडवरील जिल्हा क्रीडा संकुल तसेच शहराच्या मध्यभागी असलेल्या गरुड मैदानाच्या व्यापारी संकुलातील गाळेधारकांकडे मासिक भाडे व अनामत रक्कम अशी सुमारे ६० ते ७० लाख रुपये थकबाकी आहे.
याबाबत संबंधित गाळेधारकांना प्रथम नोटीस बजावण्यात आली. मात्र, या नोटिशीला संबंधित थकबाकीदार गाळेधारकांनी केराची टोपली दाखविली. त्यामुळे जिल्हा क्रीडा अधिकाऱ्यांनी या गाळेधारकांना आता दुसऱ्यांदा नोटीस बजावली आहे.
तसेच ज्या गाळेधारकांनी अद्याप भाडेपट्टा करारनामा केलेला नाही. अशा गाळेधारकांनाही नोटीस देण्यात आली.
दहा दिवसाच्या आत थकबाकीदार गाळेधारकांनी दुकानाचे मासिक भाडे व अनामत रक्कम भरण्यासह भाडेपट्टा करारनामा केला नाही तर संबंधितांकडील गाळे जिल्हा क्रीडा संकुल समितीमार्फत ताब्यात घेण्यात येतील असा इशारा नोटीस मधून देण्यात आला.
जिल्हा क्रीडाधिकारी कार्यालयातील लिपिक योगेश देवरे, ज्ञानेश्‍वर जाधव, शिपाई राहुल देवरे यांनी १३० गाळेधारकांना या नोटिसा बजावल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
