Dhule : परीक्षा केंद्र परिसरात मनाई आदेश | Latest Marathi News | Sakal
sakal

बोलून बातमी शोधा

Prohibition orders dhule latest marathi news

Dhule : परीक्षा केंद्र परिसरात मनाई आदेश

धुळे : उच्च माध्यमिक व शालान्त परीक्षेच्या (Exams) पार्श्वभूमीवर धुळे व साक्री तालुक्यातील सर्व परीक्षा केंद्रांवर (Exam Centers) सहाय्यक जिल्हाधिकारी तथा उपविभागीय दंडाधिकारी तृप्ती धोडमिसे यांनी मनाई आदेश लागू केले आहेत. (Prohibition order in examination center area Dhule Latest Marathi News)

श्रीमती धोडमिसे यांनी म्हटले आहे, पोलिस अधीक्षकांनी जिल्ह्यात २१ जुलै ते १२ ऑगस्ट या कालावधीत उच्च माध्यमिक (१२ वी), तसेच २७ जुलै ते १२ ऑगस्ट या कालावधीत माध्यमिक शालान्त (१० वी) परीक्षा घेण्यात येणार आहे.

यात (ज्या दिवशी पेपर राहील त्या दिवसांकरिता) रोज सकाळी आठपासून ते सायंकाळी साडेसहापर्यंत परीक्षा केंद्राच्या दोनशे मीटर अंतरापर्यंतच्या परिसरात झेरॉक्स, फॅक्स मशिन, लॅपटॉप, एसटीडी बूथ व मोबाईल फोनच्या वापरावर फौजदारी तरतुदीनुसार मनाई आदेश जारी आहेत.

हेही वाचा: श्री भगवतीच्या मुर्ती संवर्धनास प्रारंभ; पहिल्या पायरीवर पर्यायी दर्शनाची व्यवस्था

धुळे शहर व साक्री तालुक्यातील परीक्षा केंद्रांची नावे अशी (अनुक्रमे केंद्राचे नाव, परीक्षा केंद्र या क्रमाने) : जिजामाता हायस्कूल, धुळे (बारावी), छत्रपती शिवाजी हायस्कूल, धुळे (दहावी). तु. ता. खलाणे महाजन हायस्कूल, धुळे (बारावी), एल. एम. सरदार हायस्कूल, देवपूर, धुळे (दहावी). साक्री, न्यू इंग्लिश स्कूल कनिष्ठ महाविद्यालय, साक्री (बारावी), न्यू इंग्लिश स्कूल, साक्री (दहावी).
या परीक्षा कालावधी दरम्यान परीक्षा केंद्राच्या २०० मीटरचे परिसरात परीक्षार्थीशिवाय इतर कोणासह प्रवेश असणार नाही. असेही उपविभागीय दंडाधिकारी श्रीमती धोडमिसे यांनी म्हटले आहे.

हेही वाचा: पोषण आहाराचे ऑडिट शाळा स्तरावर नको; शिक्षण आयुक्त मांढरेंना साकडे

Web Title: Prohibition Order In Examination Center Area Dhule Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Dhuleexameducation
go to top