Dhule Crime : डंपरची 8 चाके काढून चोरी

शिरपूर (जि. धुळे) : उभ्या डंपरची आठ चाके काढून चोरी केल्याची खळबळजनक घटना शहराजवळ आमोदे गावात घडली. घटनास्थळी चोरट्यांनी जॅक सोडल्याचेही दिसून आले. (Theft of 8 wheels of dumper Dhule Crime Latest marathi news)

आमोदे गावातील अंबालाल राजपूत यांच्या मालकीचे डंपर (जीजे ०५ बीटी १६२३) गावाजवळ मोकळ्या जागेत पार्क केले होते. २३ ऑगस्टच्या मध्यरात्री अज्ञात संशयितांनी जॅक आणि मोठ्या दगडांचा वापर करुन डंपरची चाके काढली. लोखंडी रिमसह आठ चाके घेऊन चोरटे पळून गेले. त्यांची किंमत सुमारे अडीच लाख रुपये आहे. शहर पोलिसांनी चोरी झालेल्या परिसरातील सीसीटीव्ही फुटेज ताब्यात घेतले. अज्ञात संशयितांविरोधात गुन्हा दाखल करण्याचे रात्री उशिरापर्यंत सुरु होते.