Dhule : गुलमोहर रेस्ट हाऊसला ट्रॅक्टर ट्रॉली धडकली

धुळे : शहरातील संतोषी माता चौकात ट्रॅक्टर (एमएच १८ एन ३६२१) ट्रॉलीची पीन निघाल्याने ट्रॉली थेट गुलमोहर रेस्ट हाऊसच्या दर्शनीय भिंतीवर धडकली. (Tractor trolley hit Gulmohar Rest House Dhule Latest Marathi news)

या अपघातात कुणीही जखमी झाले नाही. शुक्रवारी (ता. २९) दुपारी ही दुर्घटना घडली. शहरातील नवरंग पाण्याची टाकी येथून राजेंद्र धोंडू धोबी हा ट्रॅक्टरचालक पाणीपुरवठ्याच्या पाइपलाइन ट्रॅक्टरने घेऊन जात असताना संतोषी माता चौकात ट्रॅक्टरची पीन तुटल्याने ट्रॉली ट्रॅक्टर पासून सुटी झाली. ही ट्रॉली गुलमोहर रेस्ट हाऊसच्या भिंतीवर आदळली. त्यामुळे भिंतीचे नुकसान झाले.