खोटेनगरातून मोबाईल लंपास

जळगाव : शहरातील खोटेनगरातील हिरा गौरी पार्क येथे अंगणात झोपलेल्या तरुणासह त्याच्या वडिलांचा उशाशी ठेवलेले दोन मोबाईल चोरीला गेले. जळगाव तालुका पोलिसात गुन्हा दाखल झाला आहे. हिरागौरी पार्क येथे किरण प्रेमलाल चौधरी (वय ३४) कुटुंबीयांसह वास्तव्यास आहेत. चौधरी पितापुत्र अंगणात खाट टाकून झोपले होते. सकाळी सात वाजेच्या सुमारास त्यांनी त्यांच्या उशाशी ठेवलेले दोन मोबाईल आढळून आले नाही. चोरीची खात्री झाल्यावर किरण चौधरी यांनी तालुका पोलिसात तक्रार दिली. या तक्रारीवरून ९ हजारांचे दोन मोबाईल चोरून नेल्याप्रकरणी गुन्हा दाखल करण्यात आला आहे.