ग्रामसेवक म्हणाले, ‘मी रामटेकला पार्टीत आहे, कामाच नंतर बघू’; दोन दिवसांच्या सुट्टीत यांच काही भागत नाही

मौदा (जि. नागपूर) : कार्यालयीन कर्मचाऱ्यांना कामकाजातून थोडी उसंत मिळावी म्हणून शासनाने पाच दिवसांचा आठवडा करून शनिवार व रविवारला सुट्टी दिली. मात्र, असे असतानासुद्धा शासकीय कामे या पाच दिवसांमध्ये प्रामाणिकपणे करण्याची कर्मचाऱ्यांची वृत्ती दिसून येत नाही. बुधवारी तर कहरच झाला. पं. स.मधील बहुतांश ग्रामसेवक चक्क पार्टीत व्यस्त असल्याची ‘ऑखों देखी’ पाहायला मिळाली.

मौदा पंचायत समितीअंतर्गत ६२ ग्रामपंचायत असून, ३१ ग्रामसेवक व ७ ग्रामविकास अधिकारी कार्यरत आहेत. त्यापैकी ४ ग्रामसेवक विविध कारणास्तव रजेवर आहेत. विविध कारणे सांगून कार्यालयाला दांडी मारण्याची कित्येक कर्मचाऱ्यांमध्ये एकप्रकारे ‘क्रेझ' बनलेली आहे.

अधिक वाचा - काळजात धस्स करणारी हिंगणघाटची घटना; काय घडले होते अंकितासोबत गतवर्षी ३ फेब्रुवारीला

मात्र, बुधवारी (ता. ३) कमालच झाली. एक-दोन नव्हे तर तालुक्यातील असंख्य ग्रामसेवक व ग्रामविकास अधिकारी चक्क कार्यालयीन कामकाजाला दांडी मारून रामटेक येथील एका रिसोर्टमध्ये पार्टी करायला गेले होते.

प्रतिनिधीला याबाबत चाहूल लागताच खंडाळा येथील उपसरपंच संकेत झाडे, नेरला येथील उपसरपंच मनोज कडू व निसतखेडा येथील उपसरपंच राकेश चव्हाण यांच्यासह संबंधित रिसोर्टला भेट दिली.

यावेळी पंचायत समिती मौदाचा बहुतांश कर्मचारीवर्ग पार्टीमध्ये मग्न असल्याचे दिसून आले. यामध्ये काही पंचायत समितीच्या मोठ्या अधिकाऱ्यांचाही समावेश होता. आमच्या प्रतिनिधीने दुपारी ३ वाजता दोन ग्रामसेवकांना फोन केला असता मी रामटेकला आहे, असे उत्तर ऐकायला मिळाले.

जाणून घ्या - शेतकरी प्रयोगशील असेल तर काळ्या मातीतूनही सोने उगवतो; सिडलेस लिंबूची झाडे पिवळ्याधम्म लिंबूनी लगडली

मला कल्पना नव्हती
रामटेकला पार्टी असल्याबाबत मला कल्पना नव्हती. संबंधित कर्मचाऱ्यांनी मुख्यालय सोडण्याबाबत माझी परवानगी घेतली नाही. 
- दयाराम राठोड,
गटविकास अधिकारी, मौदा

अन्यथा आंदोलन पुकारले जाईल
मौदा पंचायत समितीत कार्यरत कर्मचारीवर्ग जनतेच्या कामकाजाविषयी गंभीर दिसून येत नाही. शासन निर्णयानुसार ग्रामसेवक, ग्रामविकास अधिकारी मुख्यालयी राहणे आवश्यक आहे. बेजबाबदार कर्मचाऱ्यांवर कारवाई होणे आवश्यक आहे, अन्यथा आंदोलन पुकारले जाईल. 
- रोशन मेश्राम,
ग्रामपंचायत सद, नेरला

अधिक माहितीसाठी - मटणाच्या हिस्याप्रमाणे त्याच्या वाट्याला आली २२ लाख २४ हजारांची रक्कम; मात्र, नशिबाने दिली नाही साथ

साहेबऽऽ ऑफिसमध्ये किती वाजता याल जी?
शासनाच्या नियमानुसार बहुतेक ग्रामसेवक हे मुख्यलयी राहत नाहीत. सुट्टीचा दिवस न पाहता यांना कामाच्या दिवसी काही ग्रामसेवकांना रामटेक जाऊन रिसॉटमध्ये पार्टी देतात. काही नागपूर तर काही भंडाऱ्यावरून ये-जा करीत आहेत. कधी पंचायत समिती तर कधी कुठे असतात. त्यामुळे गरजू नागरिकांना यांचा त्रास सहन करावा लागतो. गरजू लोकांना फोन करून विचारावे लागते, साहेब ऑफिसमध्ये किती वाजता यालजी? त्यामुळे यांना मुख्यालयी राहणे गटविकास अधिकारी यांनी सक्तीचे करावे. 
- संकेत झाडे,
उपसरपंच, खंडाळा (गांगणेर)