महामेट्रो जोमात! देशात प्रथमच 'फ्लोटिंग ट्रॅक'चा होणार वापर; झिरो माईल स्टेशनवर प्रयोग 

राजेश प्रायकर 
Wednesday, 14 October 2020

मेट्रोचे झिरो माईल स्टेशन स्थापत्य कलेचे अद्भुत उदाहरण आहे. या स्टेशनला कंपनाचा त्रास होऊ नये, यासाठी व्हायाडक्टवर फ्लोटिंग ट्रॅक स्लॅब टाकण्यात आले. त्यावर मास स्प्रिंग प्रणाली बसविण्यात आली. अशी यंत्रणा बसविणारा नागपूर मेट्रो प्रकल्प देशातील पहिलाच आहे. 

नागपूर :  कमी वेळात मेट्रो सुरू करून देशात मान उंचावणाऱ्या महामेट्रोने आणखी एक प्रयोग मेट्रो स्टेशनवर करीत देशाचे लक्ष वेधले. मेट्रो प्रकल्पातील पहिलाच फ्लोटिंग ट्रॅक स्लॅबचा वापर करीत देशातील इतर मेट्रो प्रकल्पासाठी सुकर मार्ग तयार केला. कंपने टाळण्यासाठी झिरो माईल मेट्रो स्टेशनच्या फ्लोटिंग ट्रॅक स्लॅबवर मास स्प्रिंग प्रणाली बसविण्यात आली.

राज्यात मुष्टियोद्धे कसे घडतील? ३६ जिल्ह्यांमध्ये फक्त दोनच प्रशिक्षक, तरीही सरकारचं दुर्लक्ष

मेट्रोचे झिरो माईल स्टेशन स्थापत्य कलेचे अद्भुत उदाहरण आहे. या स्टेशनला कंपनाचा त्रास होऊ नये, यासाठी व्हायाडक्टवर फ्लोटिंग ट्रॅक स्लॅब टाकण्यात आले. त्यावर मास स्प्रिंग प्रणाली बसविण्यात आली. अशी यंत्रणा बसविणारा नागपूर मेट्रो प्रकल्प देशातील पहिलाच आहे. 

झिरो माईल मेट्रो स्टेशन येथे इमारतीच्या आतमधून मेट्रोचे रेल्वे ट्रॅक आहे. त्यामुळे मेट्रोच्या वेगाने इमारत कंपनामुळे हादरण्याची शक्यता आहे. परिणामी प्रवाशांत भीतीची निर्माण होऊ शकते. त्यामुळे ही यंत्रणा बसविण्यात आली. इतर मेट्रो स्टेशनवर ट्रॅक व स्टेशन वेगवेगळ्या मजल्यावर असल्याने तेथे या प्रणालीची गरज नसल्याचेही महामेट्रोने स्पष्ट केले. 

बिअरच्या बाटलीवरील 'क्राऊन कॉर्क' अन् 'ओपनर'चा शोध लावणारी व्यक्ती आहे तरी कोण?

मेट्रो स्टेशनवरील ट्रॅक स्ट्रक्चरची रचना फ्लोटिंग स्लॅबप्रमाणे करण्यात आली आहे. या ठिकाणी काँक्रीटचे संपूर्ण स्लॅब संलग्न असून यामध्ये कुठल्याही प्रकारचे जॉइंट नाही. क्रोम अलॉयड स्टील स्प्रिंग सिस्टम ट्रेनच्या हालचाली दरम्यान तयार होणारी कंपन कमी करते. मास स्प्रिंग सिस्टम हे एका प्रकारे मेंटेनन्स फ्री सिस्टम असून ७५ वर्षांपर्यंत ते काम करीत राहणार आहे. झिरो माईल स्टेशन बहुमजली वाणिज्यिक इमारत असून याठिकाणी भूमिगत मल्टी लेवल पार्किंगची व्यवस्था करण्यात आहे.

संपादन - अथर्व महांकाळ 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Floating track will be use in metro first experiment in India