कपाटाची नवी चावी घेऊन घरी आले दोन तरुण अन् घरमालकाला बसला जबर धक्का

नागपूर : डुप्लिकेट चावी तयार करून देणारी टोळी मुद्देमाल लांबवत असल्याच्या घटना सातत्याने पुढे येत आहेत. नंदनवन हद्दीत असेच एक प्रकरण पुढे आले आहे. चावी तयार करून देणाऱ्यांनी कपाटातील सुमारे दीड लाखाचा मुद्देमाल लांबविला. 

हेही वाचा - चक्क १५० किलो सोन्या-चांदीच्या कमानीने केले होते आमदाराचे स्वागत, प्रचंड गर्दीत एकही...

नंदनवनच्या गुरुदेव नगरातील प्रतिभा देशमुख (वय ६०) यांनी कपाटाचे कुलूप दुरुस्तीसाठी २० डिसेंबरला दोन अनोळखी युवकांना घरी बोलावले. दोघांनीही पाहणी केली व दुसऱ्या दिवशी नवीन कुलूप आणून लावणार, असे सांगून निघून गेले. २४ डिसेंबरला दुपारी देशमुख घरा एकट्याच असताना ते पुन्हा आले. नवीन कुलूप आणल्याचे सांगून ते कपाटाला लावले आणि नवीन चावी त्यांच्याकडे दिली. ती चावी दुसऱ्या लॉकरला लागते काय हे तपासून घेण्यासाठी अन्य लॉकरबाबत विचारणा केली. देशमुख यांनी बेडरूममधील कपाट दाखविले. तरुणांनी त्या कपाटाला चावी लावून बघितली. त्यानंतर कुलूप खराब झाल्याचा बहाणा करीत नवी चावी दुसऱ्या दिवशी आणून देण्याचे सांगून निघून गेले. देशमुख यांना शंका आली. त्यांनी बेडरूमचे कपाट उघडून बघितले असता सुमारे दीड लाख रुपयांचे दागिने चोरीला गेल्याचे दिसले. नंदनवन पोलिसांनी चोरीचा गुन्हा दाखल केला आहे. 

हेही वाचा - संदीप जोशींवर गोळीबार ते राजीनामा; मुंढे आले अन् गेले, कोरोनामुळे सुधारली आरोग्य यंत्रणा

केअर टेकरने चोरल्या सोन्याच्या पाटल्या - 
नागपूर : मदतीसाठी आलेल्या केअर टेकरने घरातील सोन्याच्या पाटल्या लांबविल्याची घटना गिट्टीखदान हद्दीत उघडकीस आली. भोपाळचे रहिवासी वीरेंद्र प्रताप सिंग (वय ६८) हे फ्रेंड्स कॉलनी येथील रोहित सिंग (वय २२) या पुतण्याकडे दहा दिवसांच्या मुक्कामासाठी आले होते. त्यांनी केअर टेकरचे काम करणारा भावेश दुबे (वय २३) रा. पूर्व फारुखाबाद, उत्तर प्रदेश याला सोबत आणले होते. वीरेंद्र प्रताप सिंग मुक्कामी असणाऱ्या खोलीतील कपाटात १ लाख ३३ हजार रुपये किमतीच्या पाटल्या व ८ हजार रुपये रोख ठेवले होते. हा मुद्देमाल दुबे याने लांबविला. गिट्टीखदान पोलिसांनी गुन्हा दाखल केला आहे. 

हेही वाचा - दीड वर्षाच्या चिमुकलीने बापाचे अंत्यदर्शन घेताच उपस्थितांनी फोडला टाहो, शहीद कैलास दहीकर अनंतात...

वीजखांबांसह १२ लाखांचा मुद्देमाल लंपास - 
नागपूर : उप्पलवाडी रेल्वे क्रॉसिंग ते कवठा सबस्टेशनदरम्यान वीजलाइन प्रस्तावित आहे. या कामासाठी संबंधित कंत्राटदार कंपनीने ऑक्टोबरमध्ये साइवर लोखंडी खांब, अ‌ॅल्युमिनियम तारा व केबल आणून टाकले होते. त्यातील ३२ खांब व अन्य साहित्य असा एकूण १२ लाख २९ हजार ८९८ रुपये किमतीचा मुद्देमाल चोरट्यांनी लांबविला. रविकांत पाटील यांच्या तक्रारीवरून कोराडी पोलिसांनी गुन्हा दाखल केला आहे.