घरातूनच विकत होता या वस्तू; पोलिसांनी पकडले रंगेहात

नागपूर  : लॉकडाऊनमध्येही पान मसाला आणि खर्रा तयार करीत घरून त्यांची विक्री करणाऱ्या व्यक्तिला गुन्हे शाखेच्या युनिट 4 ने अटक केली.

अटकेतील आरोपी गरोबा मैदान निवासी शंकर बळीराम कोल्हे (58) आहे. पोलिसांचे पथक काळाबाजार करणाऱ्या दुकानदारांची चौकशी करीत होते. दरम्यान माहिती मिळाली की, शंकर मोठ्या प्रमाणात प्रतिबंधित तंबाखू, खर्रा आणि पान मसाला विकत आहे.      पोलिस पथकाने त्याच्या घरावर धाड टाकून 10 किलो तयार खर्रा, पान मसाला आणि तंबाखूसह 14,825 रुपयांचा माल जप्त केला.

सविस्तर वाचा - मास्क न घातल्याने राज्याच्या या शहरात झाला पहिला गुन्हा दाखल

ही कारवाई वपोनि अशोक मेश्राम यांच्या मार्गदर्शनात सपोनि दिलीप चंदन, पोहवा अजय बघेल, अजय रोडे, सुधाकर धंदर, नापोशि प्रशांत कोडापे, बबन राऊत, अविनाश ठाकुर, अन्न सुरक्षा अधिकारी अमितकुमार उपलप, औषध निरीक्षक नीरज लोहकरे, वैध मापन निरीक्षक शरद मोरे आणि अमरदीप मेश्राम यांनी केली.