Nagpur police caught bookie
Nagpur police caught bookie

उपराजधानीत बड्या क्रिकेट बुकीला अटक; तब्बल ४ लाख ८६ हजारांची रोख जप्त 

नागपूर : गेल्या अनेक वर्षांपासून क्रिकेट सट्टेबाजी करणाऱ्या बुकी राजेश प्रेमलाल बल्लारे याला पोलिस उपायुक्त विनीता शाहू यांच्या विशेष पथकाने सेमिनरी हिल्समधील मानवसेवानगर भागात छापा टाकून अटक केली. त्यांच्याकडून चार लाख ८६ हजारांची रोख रकमेसह ११ लाखांचा माल जप्त केला आहे. अशी माहिती उपायुक्त विनीता शाहू यांनी मंगळवारी पत्रकार परिषदेत दिली.

हेही वाचा - पत्नीवर हल्ला करून ठार मारण्याचा प्रयत्न; घर नावे करून देण्याचा तगादा
  
मानवसेवानगर भागात रुपेश दामोदर परसोडकर व त्याचा भाऊ आशिष दामोदर परसोडकर (रा. मानवसेवानगर) अशी अटकेतील आरोपींची नावे आहेत. हे सट्टापट्टीची खायवडी करीत असल्याची माहिती उपायुक्त विनीता शाहू यांना मिळाली.

त्यांच्या विशेष पथकाचे सहाय्यक पोलिस निरीक्षक दिलीप चंदन, हेडकॉन्स्टेबल आदित्य यादव, राजेश सोनवाने, अमितकुमार सिंग ,पराग फेबडे, आलिम खान व कल्याणी पराते यांनी मानवसेवानगरमध्ये छापा टाकला. पोलिसांनी आशिष व रुपेशला अटक केली. 

चौकशीदरम्यान राजेश हा सट्टापट्टीचा सूत्रधार असल्याची माहिती पोलिसांना मिळाली. पोलिसांनी राजेश याच्या घरी छापा टाकला. यादरम्यान राजेश हा क्रिकेट सामन्यावरही सट्ट्याची खायवडी करीत असल्याचे स्पष्ट झाले. पोलिसांनी त्याच्याकडून रोख व कार जप्त केली. 

संपादन - अथर्व महांकाळ 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com