VIDEO: यमाला भेटायचयं ? गुमगाव चौकात या!; वाहनांची 'स्पीड' ठरतेय जीवघेणी

Risk of life due to high speed of vehicles at Gumgaon square Nagpur
Risk of life due to high speed of vehicles at Gumgaon square Nagpur

गुमगाव (जि. नागपूर): अमरावती-जबलपूर आऊटर रिंगरोडवरील गुमगाव-हिंगणा मार्गांला जोडणारा चौक सध्या चौफेर जीवघेणा ठरत आहे. या चौकामध्ये होणाऱ्या अपघातामध्ये दिवसेंदिवस वाढ होत आहे. चौकाचे निरीक्षण केल्यास अपघातग्रस्त गाडीचे काच व पार्ट नेहमीच पडलेले दिसून येतात. 

चौकात जागोजागी पडलेले खड्डे, इकडे-तिकडे विखुरलेली गिट्टी, गुमगाव-हिंगणा मार्गाचे कासवगतीने सुरू असलेले बांधकाम आणि अमरावती-जबलपूर मार्गावरील वाहनांची 'स्पीड' मुख्यतः अपघाताला कारणीभूत ठरत असल्याने चौक सध्या मृत्यूचा सापळा ठरत असल्याचे दिसून येत आहे.

अमरावती-जबलपूर मार्गावरील गुमगाव-हिंगणा चौकातून जाणाऱ्या वाहनांमध्ये 'ओव्हरटेक' करण्याची जणू स्पर्धाच लागलेली असते. गुमगाव-हिंगणा मार्गाने होणारी जडवाहतुक यामध्ये पुन्हा 'टेन्शन' देण्याचे काम करते. सोबतच चौकामध्ये रस्त्याच्या दोन्ही बाजूला मोठ्या संख्येत लागत असलेली जडवाहनांची रांग हृदयात धडकी भरल्याशिवाय राहत नाही. 

चौकात कित्येक अपघात झालेले असून अनेकांना यामध्ये प्राणसुद्धा गमवावे लागले आहे. विद्यार्थी, शेतकरी, शेतमजूर, सायकलचालक, पुरुष असो की महिला हा चौक जीव मुठीत घेऊनच ओलांडताना दिसतात. कारण या मार्गावरील बेशिस्त वाहतूक बघून कोणीही घाबरल्याशिवाय राहणार नाही. 

चौकामध्ये प्रकाशाची पुरेशी व्यवस्था नसल्याने रात्री तर परिस्थिती अधिकच बिकट होते. प्रशासनाने अपघाताची वाट न बघता ताबडतोब 'गाडी हळू चालवा' असे फलक लावून योग्य जनजागृती करावी. चौकात प्रकाशाची पुरेशी व्यवस्था, गुमगाव-हिंगणा मार्गाची जडवाहतुक थांबवून चौकात सायंकाळी उभे राहणारे ट्रक हटवणे गरजेचे झाले आहे.

संपादन - अथर्व महांकाळ 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com