पक्षीप्रेमींना सुखद धक्‍का; भंडारा, गोंदियात या पक्ष्यांचे झाले आगमन 

नागपूर :  गोंदिया व भंडारा दोन्ही जिल्हे तलावाचे जिल्हे म्हणून ओळखले जातात. हिवाळ्यात या दोन्ही जिल्ह्यांमधील तलावांवर मोठ्या प्रमाणात परदेशी पक्ष्यांची जत्रा असते. ही पक्षीप्रेमींसाठी पर्वणीच असते. जुलै महिन्यात अचानक फ्लेमिंगो पक्ष्यांचे गोंदिया जिल्ह्यात दर्शन झाल्याने आश्‍चर्य व्यक्त केले जात आहे. तज्ज्ञांच्या मते या दोन्ही जिल्ह्यात एवढ्या मोठ्या प्रमाणात फ्लेमिंगो पक्ष्यांचे प्रथमच दर्शन झाले आहे. 

नवेगाव- नागझिरा व्याघ्र प्रकल्पाच्या उपसंचालक पूनम पाटे आज सकाळी गोंदिया जिल्ह्यातील सडक-अर्जुनी तालुक्‍यातील सौंदड तलाव येथे 34 मोठ्या फ्लेमिंगो पक्ष्यांची नोंद केली. हिवाळ्यात गोंदिया आणि भंडारा या दोन्ही जिल्ह्यांमधील तलावांवर मोठ्या प्रमाणात परदेशी पक्ष्यांचे आगमन होते. जुलै महिन्यात अचानकपणे फ्लेमिंगो पक्ष्याचे गोंदिया जिल्ह्यात अचानक दर्शन झाले. गेल्या 20 ते 22 वर्षांपूर्वी दोन पक्ष्यांचे दर्शन झाले होते. प्रथमच एवढ्या मोठ्या प्रमाणात फ्लेमिंगो पक्षी या परिसरात दिसले आहेत. 

हेही वाचा - "आई प्लीज... तो बलात्कार नव्हे... प्रेम आहे आमचे' 

लाखनी येथील अशोक गायधने यांनी सांगितले, 20 वर्षांपूर्वी गोंदिया व भंडारा जिल्ह्यामध्ये फ्लेमिंगो पक्षी पाहिल्याची नोंद आहे. सौंदड तलाव नवेगाव राष्ट्रीय उद्यानातून विस्थापित झालेल्या श्रीरामनगर व सौंदड गावामध्ये आहे. जवळून राष्ट्रीय महामार्ग क्रमांक सहा जात असल्याने त्याठिकाणी लोकांचा व जनावरांचा वावर अधिक असल्याने फ्लेमिंगो पक्षी निघून जाण्याची शक्‍यता आहे. 

'पैसे वापस चाहिये या जान', अशी धमकी द्यायचा शिवसेनेचा शहरप्रमुख; वाचा कच्चाचिठ्ठा

फ्लेमिंगो पक्ष्यांच्या थव्यांमध्ये मोठे व लहान आकाराचे असे एकूण 34 पक्षी आहेत. फ्लेमिंगो पक्ष्यांच्या या अचानक दर्शनामुळे गोंदिया व भंडारा जिल्हयातील निसर्गप्रेमी व पक्षी मित्र खूप आश्‍चर्य व्यक्त करीत आनंदीही आहेत. रोहित पक्ष्यांच्या या अनपेक्षित दर्शनाची नोंद बॉम्बे नॅचरल हिस्ट्री सोसायटीकडेही केली आहे. पक्षी निरिक्षणासाठी पूनम पाटे यांच्यासोबत विभागीय वनाधिकारी उत्तम सावंत, सहाय्यक वनसंरक्षक रूपाली सावंत, वनपरिक्षेत्र अधिकारी सदाशिव अवगान गेले होते.