कोरोनात वाचविले, अनलॉकमध्ये गमावले; अपघातात तब्बल २८९ जणांचा मृत्यू

यवतमाळ : कोरोनाचा संसर्ग रोखण्यासाठी मार्च महिन्यात लॉकडाउन घोषित करण्यात आला. नागरिक घरात थांबून सुरक्षित राहिले. याच काळात दुचाकी, चारचाकी वाहनांची चाकेही थांबल्याने अपघाताचे प्रमाण घटले होते. प्रत्येक व्यक्ती सुरक्षित राहून आपला जीव वाचविण्याचा प्रयत्न करीत होता. आता अनलॉक होताच दुचाकी, चारचाकी वाहनांचा वेग सुसाट वाढल्याने अपघाताच्या संख्येत वाढ झाली आहे. वर्षभरात झालेल्या रस्ते अपघातात 289 जणांनी जीव गमावला आहे.

हेही वाचा - मृत्यू जवळ येताना दिसताच 'त्यांनी' घेतला महत्वाचा निर्णय; प्रेरणादायी काम...

तीन महिन्यांच्या कडक लॉकडाउननंतर हळूहळू अनलॉकप्रक्रिया राबविण्यात आली. आता तर, जनजीवन पूर्वपदावर येत आहे. कोरोनात सुरक्षित जीवन जगण्याची एक शिस्त लागली होती. विनाकारण घराबाहेर पडणाऱ्या व सुसाट धावणाऱ्या वाहनधारकांकडून दंड वसुलीची मोहीम राबविण्यात आली. त्यामुळे विनाकारण घराबाहेर पडण्याचे तरुण टाळत होते. पोलिस रस्त्यावर राहत असल्याने वाहनाच्या वेगावर नियंत्रण आले होते. मात्र, दुचाकी, चारचाकी वाहनांचा वेग सुसाट वाढल्याने अपघाताच्या संख्येत वाढ होत आहे. शहरासह ग्रामीण भागात, महामार्गावर अपघात होत आहेत. वाढत्या अपघातांची संख्या चिंताजनक आहे. मार्च महिन्यात 22, एप्रिल महिन्यात सहा तर मे महिन्यात 20 जणांचे अपघाती मृत्यू झाले, तर, 2019मध्ये मार्च महिन्यात 27, एप्रिलमध्ये 41 तर मे महिन्यात 43 जणांचा मृत्यू झाल्याची आकडेवारी आहे. 2019च्या तुलनेत 377 अपघात कमी झाले. त्यात 57 किरकोळ, 37 गंभीर, 55 मृत्यूत घट झाली आहे. कोरोना काळात अपघात कमी झाल्याचे त्यातून दिसते. त्यानंतर आता दररोज कुठे ना कुठे अपघात होत आहेत. जीवन अनमोल आहे, आपला जीव वाचविण्यासाठी वेगाशी स्पर्धा करणे टाळले पाहिजे. 

हेही वाचा - वर बोहल्यावर चढण्याच्या होता प्रतीक्षेत अन् वधू देत होती ऑनलाईन परीक्षा; वऱ्हाडींनी दिलं शिक्षणाला...

2019 अन् 2020 मधील अपघाताचे प्रमाण -