अकोला : प्रतिबंधित क्षेत्रातील नागरिकांच्या आरोग्य तपासणीदरम्यान एकाच कुटुंबातील सदस्यांना ताप असल्याचे आढळून आल्याने त्यांची तपासणी करण्यात आली. त्यातील चारही रुग्णांचे अहवाल पॉझिटिव्ह आले.
महानगरपालिकेतर्फे प्रतिबंधित क्षेत्रात नागरिकांच्या आरोग्याची तपासणी केली जात आहे. या तपासणीदरम्यान मोमिन पुऱ्यातील नागरिकाला आढळलेल्या लक्षणावरून त्याची तपासणी करण्यात. त्यातूनच मोमिन पुऱ्यातील चार पॉझिटिव्ह रुग्ण आढळून आले. रुग्ण आढळलेल्या कुटुंबातील सदस्यांना ताप आल्याने त्यांची तपासणी करण्यासाठी आधी परिसरातील फ्लू क्लिनिकमध्ये पाठविण्यात आले होते. तेथून त्यांना सर्वोपचार रुग्णालयातील कोविड कक्षात तपासणीसाठी पाठविण्यात आल्याची माहिती मनपा प्रशासनाकडून देण्यात आली. मंगळवारी त्यांचे नमुणे तपासणीसाठी पाठविण्यात आले होते. बुधवारी सायंकाळी उशिरा प्राप्त अहवालात हे चारही रुग्ण पॉझिटिव्ह असल्याचे आढळून आले. त्यामुळे आता त्यांच्या संपर्कात आलेल्यांचा शोध घेण्याचे काम सुरू झाले आहे.
संसर्गातून बाधा
मोमिन पुऱ्यातील चार पॉझिटिव्ह रुग्णांना सामूहिक संसर्गातून बाधा झाली असल्याची शक्यता वर्तविली जात आहे. रुग्ण पॉझिटिव्ह आढळलेल्या कुटुंबाचा दुधाचा व्यवसाय आहे. तीन दिवसांपासून कुटुंबातील व्यक्तीला ताप आला असल्याने त्याला तपासणीसाठी पाठविण्यात आले. त्यासोबतच कुटुंबातील इतर सदस्यांनाही ताप असल्याने त्यांची तपासणी करण्यात आली. त्यात एका लहान मुलाचाही समावेश आहे. या कुटुंबाचा दुधाचा व्यवसाय असल्याने त्यांना नेमका कुठून संसर्ग झाला याचा तपास यंत्रणेकडून सुरू करण्यात आला आहे.
मृतक महिलेवर जुन्या शहरातील हॉस्पिटलमध्ये उपचार
कोठडी बाजार परिसरातील एक महिला रक्तातील साखरेची प्रमाण वाढल्याने जुन्या शहरातील एका हॉस्पिटलमध्ये उपचारासाठी दाखल झाली होती. रक्तातील साखरेचे प्रमाण ७५० पर्यंत पोहोचल्याने तिला तातडीने सर्वोपचार रुग्णालयात दाखल करण्यात आले. मात्र उपचारादरम्याने तिचा मृत्यू झाला. मधूमेहाचा जुना आजार नसतानाही रक्तातील साखरेचे प्रमाण प्रचंड वाढल्याने तिची कोविड चाचणी करण्यात आली. दुसऱ्या दिवशी प्राप्त अहवालात तिला संसर्ग झाल्याचे स्पष्ट झाले. त्यामुळे आता या महिलेच्या कुटुंबातील सदस्य व संपर्कातील नागरिकांची तपासणी केली जाणार आहे.
प्रतिबंधित क्षेत्रात अनेक हॉटस्पॉट
महानगरपालिका क्षेत्रात पॉझिटिव्ह रुग्ण आढळून आलेल्यानंतर प्रतिबंधित करण्यात आलेल्या क्षेत्रात नागरिकांकडून नियमांचे पालन होत नसल्याचे दिसून येत आहे. अगदी संसर्ग झालेल्या परिसरात व गल्लीत रात्रभर नागरिकांची गर्दी राहते. अशा पाच ते सहा जागा आहेत. त्याकडे पोलिस व मनपा प्रशासनाने लक्ष देण्याची गरज आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.