Gram Panchayat Result : अमरावतीतील सुरवाडी ग्रामपंचायतीत ग्रामविकास पॅनेलचा दणदणीत विजय

शेंदूरजनाबाजार (जि. अमरावती) : राज्य पणन महासंघाच्या संचालिका छाया दंडाळे यांना तिवसा तालुक्यातील सुरवाडी ग्रामपंचायतच्या निवडणुकीमध्ये दारुण पराभवाला सामोरे जावे लागले. राष्ट्रवादी काँग्रेस पक्षाचे प्रदेश चिटणीस प्रदीप राऊत व अतुल गवड यांच्या गटाच्या ग्रामविकास पॅनेलने  सातपैकी सातही जागा जिंकून दंडाळे गटाकडून ही ग्रामपंचायत हिसकावून घेतली. 

हेही वाचा - १८ वर्ष होवूनही झालं नाही बाळ, पती घरी येताच पत्नी मोठ्यानं किंचाळली अन् घडला थरार

जिल्हा व राज्यपातळीवर काँग्रेस पक्षाचे नेतृत्व करणाऱ्या छाया दंडाळे यांच्या ग्रामसुधार पॅनेलला दारुण पराभवाचा सामना करावा लागला. दंडाळे यांनी आपल्या कन्येला वॉर्ड एकमधून उभे केल्याने ही लढत अतिशय प्रतिष्ठेची झाली होती. मात्र, त्यांच्या कन्या रुचिका दंडाळे यांनाही पराभवाचे तोंड बघावे लागले. रुचिका दंडाळे यांना राऊत -गवड गटाच्या ललिता प्रमोद बोराळकर यांनी एकतर्फी लढाईत पराभूत केले. विजयी उमेदवारांमध्ये वॉर्ड क्रमांक एकमधून छाया संजय ताथोडे, ललिता प्रमोद बोराळकर, गजानन सुधाकर निकाळजे, वॉर्ड तीनमधून गणेश हरिदास भोमबे, आरती योगेश कोह रवींद्र वामनराव इंगळे, शीतल नरेश नागपुरे यांचा समावेश आहे.

हेही वाचा - Gram Panchayat Result : दोन वर्षीय चिमुकलीने काढली ईश्वरचिठ्ठी अन् दोन उमेदवारांचे...