मोठी बातमी! अमरावती जिल्हापरिषदेच्या माजी अध्यक्षांना जबर मारहाण; सोन्याची चेन लुटल्याचा आरोप

attack on ex zp president of amravati marathi latest news
attack on ex zp president of amravati marathi latest news

अमरावती ः विद्यापीठ मार्गावरील बियाणी चौकात कारचा धक्का लागून किरकोळ अपघात झाल्यामुळे चिडलेल्या दुसऱ्या वाहनातील व्यक्तींनी जिल्हापरिषदेचे माजी अध्यक्ष नितीन गोंडाणे यांना मारहाण केली. शिवाय त्यांच्या गळ्यातील सोन्याची चेनही जबरीने हिसकावून नेली.

शनिवारी रात्री साडेसात ते आठच्या सुमारास ही घटना घडली, असे पोलिस निरीक्षक मनीष ठाकरे यांनी सांगितले. श्री. गोंडाणे यांच्या वडिलांवर शहरातील खासगी रुग्णालयात उपचार सुरू आहेत. ते एमएच 27 बीई 4313 क्रमांकाच्या कारने वडिलांची भेट घेऊन परत घराकडे जात असताना रात्री बियाणी चौकात त्यांच्या कारचा धक्का दुसऱ्या कारला लागला. 

त्याचवेळी धक्का बसलेल्या कारचालक व श्री. गोंडाणे यांच्यामध्ये रस्त्यावरच शाब्दिक वाद झाला. दुसऱ्या कारमधील दोघांनी गोंडाणे यांना मारहाण केली. त्यांच्या गळ्यातील सोन्याची चेन हिसकावून नेली, असा आरोप नितीन गोंडाणे यांनी गाडगेनगर ठाण्यात दाखल तक्रारीत केला. या घटनेनंतर मार्गावर बरेच लोक जमले होते.

कारचालकास धक्का लागल्यानंतर त्यांची समजूत काढण्याचा प्रयत्न केला. परंतु त्याने धक्काबुक्की करून चेन हिसकावल्याने पोलिसांत तक्रार नोंदविली.
-नितीन गोंडाणे, 
माजी अध्यक्ष, जि. प. अमरावती.

श्री. गोंडाणे यांच्या वाहनाचा अपघात झाल्यानंतर त्यांना धक्काबुक्की करून चेन लुटल्याची तक्रार प्राप्त झाली. त्याप्रकरणाची चौकशी केली जाईल.
-मनीष ठाकरे, 
पोलिस निरीक्षक, गाडगेनगर ठाणे.

संपादन - अथर्व महांकाळ 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com