पोलिस असल्याची बतावणी करून केली मारहाण, मात्र तो निघाला...

बोरगाव मंजू (जि.अकोला) : येथील पोलिस ठाण्याच्या हद्दीतील गावांमध्ये पोलिस असल्याची बतावणी करून लोकांमध्ये नाहक दहशत निर्माण करून मारहाण केल्याची घटना सोमवारी (ता.13) रात्री 10.30 वाजता दरम्यान उघडकीस आली. याप्रकरणी पोलिसांनी चौघांविरूद्ध गुन्हा दाखल केला आहे.

प्राप्त माहिती नुसार, येथील पोलिस ठाण्याच्या हद्दीतील दहीगाव गावंडे, धोतर्डी, यावलखेड, सांगळुद आदी गावात तोतया पोलिस सांगून गावातील निरपराध नागरिकांना मारहाण करून दहशत निर्माण करत असल्याची तक्रार आकाश वाकपांजर (रा.सांगळुद) यांनी पोलिस ठाण्यात दिली.

आवश्यक वाचा - आयुर्वेदाची युक्ती वाढवेल रोगप्रतिकार शक्ती

त्यामध्ये त्यांनी चार लोकांनी पोलिस असल्याची बतावणी करून एका पोलिस कर्मचाऱ्यांच्या नावाचा वापर करून फिर्यादीच्या घरात घुसून पोलिसांकडे असलेल्या काठीने मारहाण केली व जीवे मारण्याची धमकी दिली असे नमूद केले. यावरून पोलिसांनी विविध कलमान्वये चार जणांविरुद्ध गुन्हा दाखल केला आहे. पुढील तपास पोलीस उपनिरीक्षक संतोष अघाव, पो.हे.का भागवत कांबळे, अशोक इंगळे हे करीत आहेत.

सह चार जनांवर विविध कलमान्वे गुन्हे दाखल
बोरगाव मंजू पोलिस स्टेशनमध्ये फिर्यादीच्या तक्रारीवरून अज्जू ठाकूर याच्या सह चार जनांवर विविध कलमान्वे गुन्हे दाखल केले. पोलिस त्याचा शोध घेत आहेत.
-हरिष गवळी, ठाणेदार, बोरगाव मंजू