लाखनी (जि. भंडारा) : जिल्ह्यातील मुख्य असलेले धान पीक कापणी झालेले आहे. मात्र नोव्हेंबर लागताच हवामानात झालेल्या बदलाने जोमात असलेले तुर पीक ढगाळ वातावरणामुळे कीडग्रस्त होण्याची स्थिती निर्माण झाली आहे. भंडारा जिल्हयात पुढील पाच दिवस हे आंशिक ढगाळ ते ढगाळ हवामान राहुन दि. १३ ते १७ नोव्हेंबर, २०२१ रोजी हवामान कोरडे राहण्याची तसेच तापमानात व आद्रतेमध्ये तफावत होण्याची अधिक शक्यता आहे.
दीर्घ मुदतीच्या अंदाजानुसार, विदर्भात दिनांक १७ ते २३ नोव्हेंबर दरम्यान हवामान स्थिती सरासरी पेक्षा जास्त राहण्याची शक्यता जिल्हा कृषी हवामान केंद्र व कृषी विज्ञान केंद्र साकोली यांनी वर्तवली आहे.
अशी घ्या तूर पिकाची काळजी
ढगाळ वातावरणामुळे तूर पिकाचे फुलोर झळत असून दमट वातावरणामुळे किडींचा प्रादुर्भाव वाढतो.तूर पिकाच्या उत्पादन वाढीसाठी फुलोरा व शेंगा भरण्याच्या अवस्थेत जिब्रेलिक अॅसिड (१३.९% क्रियाशील घटक) २५ पी.पी.एम. @ १३.९ ग्रॅम (९०% a.i.) प्रती ५०० लिटर पाण्यात मिसळून फवारणी करावी. पुढील पाच दिवसात भंडारा जिल्हयात आंशिक ढगाळ ते ढगाळ हवामान राहण्याची शक्यता असल्यामुळे शेंगा व फुले पोखरणाऱ्या किडींनी आर्थिक नुकसानीची पातळी ओलांडू शकते.यामुळे शेतकऱ्यांनी वेळीच खबरदारी घेणे फायद्याचे ठरेल.
मानवी आरोग्यावरही परिणाम
नोव्हेंबर महिन्याच्या सुरुवातीला थंडी चा जोर वाढला होता तापमान १६ डिग्री से्सिअस पर्यंत कमी झाले होते. मात्र ढगाळ वातावरणामुळे अचानकच तापमान वाढले असून यामुळे सर्दी खोकला ताप या आजारांना अनुकूल वातावरण निर्माण झाले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.