अमरावती : कोणता वाद कधी पेटेल याचा काहीच नेम राहिला नाही. मोर्शी तालुक्यातील खेड गावात कुत्रा भुंकल्यामुळे दोन गटांत वादानंतर हाणामारी झाली. त्यात दोन्ही कुटुंबातील चारजण जखमी झाले. मोर्शी पोलिसांनी परस्परविरुद्ध तक्रारीवरून सहा जणांविरुद्ध गुन्हा दाखल केला.
चंद्रकांत खेडकर, भूषण खेडकर, आशीष देशमुख, राधेश्याम भुजबळ, अशी हल्ल्यातील जखमींची नावे आहेत. जखमींना उपचाराकरिता मोर्शीच्या उपजिल्हा रुग्णालयात दाखल केले.
छाया चंद्रकांत खेडकर यांच्या तक्रारीवरून मोर्शी पोलिसांनी आशीष देशमुख, राधेश्याम भुजबळ, विवेक देशमुख या तिघांविरुद्ध तर परस्परविरुद्ध बाजूने आशीष देशमुखच्या तक्रारीवरून छाया खेडकर, चंद्रकांत खेडकर व भूषण खेडकर या तिघांविरुद्ध गुन्हा दाखल केला.
रात्री साडेदहाच्या सुमारास ही घटना घडली. महिलेने तक्रारीत म्हटले की, आशीष देशमुख याच्या मुलाने घरासमोर येऊन कुत्र्यापुढे भुंकण्याचा आवाज केल्याने चिडलेला कुत्रा त्या मुलाचे अंगावर धावला, त्यावरून संबंधिताने शिवीगाळ व मारहाण केल्याचे म्हटले.
देशमुख यांच्या तक्रारीत खेडकर याचा कुत्रा मुलाच्या अंगावर चावण्याच्या उद्देशाने धावला, कुत्र्याला बांधण्याचा सल्ला दिला असता मारहाण झाल्याचे तक्रारीत म्हटले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.